كانادادا تىكۇشاق مۇحيتقا قۇلادى

وتتاۆا. قازاقپارات - بريتاندىق كولۋمبيا پروۆينتسياسىنىڭ باتىسىندا تىنىق مۇحيتىنا تىكۇشاق قۇلادى، دەپ حابارلايدى قازاقپارات CBC تەلەارناسىنا سىلتەمە جاساپ.

كانادالىق كولىك قاۋىپسىزدىگى كەڭەسىنىڭ مالىمەتىنشە، وقيعا دۇيسەنبى كۇنى دجوردجيا بۇعازىنداعى سەشەلت ەلدى مەكەنىنەن سولتۇستىككە قاراي 40 شاقىرىم جەردە ورىن العان.

جۇكتەردى تاسىمالداۋعا ارنالعان Kaman K- MAX تىكۇشاعىندا تەك ۇشقىش بولدى. ونىڭ ىزدەستىرۋ جۇمىستارى جالعاسۋدا. تىكۇشاقتىڭ قۇلاۋ سەبەپتەرى تۋرالى ازىرگە مالىمەتتەر جوق.