ءالىمحان ۇلىنىڭ قارسىلاسى - مەن سىزدەرگە جانىبەكتىڭ ءالسىز تۇستارىن كورسەتەمىن
اڭگىمە بارىسىندا ول وتانداسىمىزدىڭ مىقتى تۇستارىن اتاپ ءوتتى.
- ءبىز ريو وليمپياداسىندا بىرگە ونەر كورسەتكەنىمىزدى بىلەمىن. ونىڭ روب برانقا قارسى سوڭعى كەزدەسۋىن دە كوردىم. ءبىراق وعان دەيىن جانىبەك تۋرالى ەشتەمە بىلمەيتىن ەدىم. ءالىمحان ۇلىنىڭ بىرنەشە مىقتى تۇستارى بار. ول تالانتتى، قارسىلاستارىنان قورىقپايتىن بوكسشى. چەمپيوندىق رۋحى بار بوكسشى. ەندى الداعى كەزدەسۋدە ونىڭ كەمشىلىكتەرىن كورەسىزدەر.
- جالپى قازاقستاندىق بوكسشىلار تۋرالى بىلەسىز بە؟
- قازاق بوكسشىلارى اۋەسقوي بوكستا ءبىراز ابىروي جيناعانىن بىلەمىن. دەگەنمەن كاسىپقوي بوكستا تەك ءبىر-ەكى عانا مىقتى بوكسشىلارىڭىز بار.
- دايىندىعىڭىز قالاي وتۋدە؟ وسى تۋرالى ايتىپ بەرىڭىزشى...
- مەن جاتتىعۋ جۇمىستارىنا كىرىسكەنىمە ءبىراز ۋاقىت بولدى. قازىر ەۋروپالىق بوكسشىلار ماعان دايىندىققا كومەكتەسۋدە.
- الداعى كەزدەسۋ ءسىز ءۇشىن قانشالىقتى ماڭىزدى؟
- ءاربىر كەزدەسۋ مەن ءۇشىن وتە ماڭىزدى. بۇل كەزدەسۋ ماعان چەمپيوندىققا جول اشاتىن جەكپە-جەك بولادى. ايقاستى جىبەرىپ الماڭىزدار. ءبىز سىزدەرگە كەرەمەت جەكپە-جەك كورسەتەمىز.
ايتا كەتەيىك، ءالىمحان ۇلى مەن ن'جيكام اراسىنداعى كەزدەسۋ 5- قاراشا كۇنى لاس-ۆەگاس (ا ق ش) قالاسىندا وتەدى.
