ەشكىمگە قوقان- لوقى كورسەتپەدىم - جانقوش تۇراروۆ
جانقوشتىڭ ايتۋىنشا، ول اپكەسىنىڭ ءوتىنىشىن ورىنداپ، بالانى بالاباقشادان الىپ كەلۋگە بارعان.
«جاعداي بىلاي بولدى. اپكەم «ۇيدە ءبىر جاعداي بولىپ جاتىر، بالانى بالاباقشادان سەن الىپ كەلشى»، - دەپ ءوتىندى. سوسىن ۇيىنە باردىم. بارسام ءۇيىنىڭ قاقپاسىن بۇزىپ جاتىر ەكەن. مەن بۇزىپ جاتقانداردان، «كۇن سۋىق، كوشەدە قالدىرايىن دەپ تۇرسىڭدار ما، ءۇيدى نەگە بۇزىپ جاتىرسىڭدار؟ جاعدايدى ءتۇسىنىپ الساڭدارشى»، - دەدىم. ۋ-شۋ، اپكەم جىلاپ جاتىر. وتكەندەگى بەس ادام قايتىس بولعان جاعدايدى بىلەسىزدەر، سونداي جاعداي بولماسىن دەپ «جىگىتتەر، قويىڭدار! ماسەلە ۋشىعىپ كەتپەسىن»، - دەدىم».
ونىڭ ايتۋىنشا، «ارىزدى قايتار» دەگەن اڭگىمە بولعان جوق، ول - وتىرىك. سونداي-اق، ءۇي يەسى - جانقوش تۇراروۆتىڭ اپكەسى ەكەن.
«ءۇي يەسى - تۋىسقان اپكەم. قارسى شاعىمىم جوق. «ارىزدى قايتارىڭدار» دەگەن اڭگىمە ايتىلعان جوق. بۇزىپ جاتقان جىگىتتەرگە بار ايتقانىم «مىنا جەردى بوساتىڭدار» دەگەن ءسوز بولدى. ولار ءبارىن بۇزىپ تاستاعان. ءبىراق قورقىتىپ-ۇركىتكەن جوقپىن»، - دەدى جانقوش تۇراروۆ.
نىساندى بۇزۋ توقتاتىلىپ، وتباسىن ۇيدەن شىعارماعان. ۇيگە قاتىستى ماسەلە كورشىلەردىڭ اراسىندا بولعان داۋ-دامايدان پايدا بولعان.
