فيزيكا سالاسىنداعى نوبەل سىيلىعىنىڭ لاۋرەاتتارى جاريالاندى
ازەرتادج- دىڭ مالىمەتىنشە، ستوكگولمدەگى ارنايى شارادا فيزيكادان نوبەل سىيلىعىنىڭ ءبىر بولىگى امەريكالىق عالىم سيۋكۋرو مانابە مەن كلاۋس حاسسەلمانگە «جەر كليماتىن فيزيكالىق مودەلدەۋ، وزگەرگىشتىكتى ساندىق باعالاۋ جانە جاھاندىق جىلىنۋدى سەنىمدى بولجاۋعا» قوسقان ۇلەسى ءۇشىن تابىس ەتىلدى. ال، قالعان بولىگى يتاليالىق عالىم دجوردجو پاريزيگە «اتومنان پلانەتارلىق ماسشتابقا دەيىنگى فيزيكالىق جۇيەلەردەگى تارتىپسىزدىك پەن اۋىتقۋلاردىڭ ءوزارا ارەكەتتەسۋىن اشقانى ءۇشىن» بەرىلدى.
ەسكە سالا كەتەيىك، 4- قازاننان باستاپ 2021 -جىلعى نوبەل سىيلىعىنىڭ لاۋرەاتتارى جاريا ەتىلە باستادى. بيىل كوروناۆيرۋس پاندەمياسىنا بايلانىستى سىيلىق 10- جەلتوقسان كۇنى 10 ەلدە تابىستالادى. ماراپاتتاۋ ءراسىمى جىلدا ستوكگولمدە وتەتىن. 4- قازاندا مەديتسينا بويىنشا 2021 -جىلعى نوبەل سىيلىعىنىڭ لاۋرەاتتارى جاريالاندى.
اۆتور: اقبوپە ءابدراسۋل
