ديماش قۇدايبەرگەن قىتايعا بارىپ ساقال قويىپ، مۇرت ءوسىرىپ فاناتتارىن تاڭعالدىردى

بەيجىڭ. قازاقپارات - ازيانىڭ ەڭ سۇيكىمدى جىگىتى اتانعان ءانشى ديماش قۇدايبەرگەن ساقال قويىپ، مۇرت وسىرگەن، دەپ حابارلايدى قازاقپارات.

ءانشى Instagram-داعى پاراقشاسىندا: «Quarantine style in China» ، - دەپ جازدى، ياعني «قىتايداعى كارانتيندىك ستيل» جازبانىڭ استىنا پىكىر قالدىرعان جەلى قولدانۋشىلارى تاڭدانىستارىن جاسىرماۋدا. دەگەنمەن، جىلى لەبىزدەرىن قالدىرىپ جاتىر: «ءاپ، بارەكەلدى!»، «ساعان قىرىنۋدىڭ، شاش الۋدىڭ قاجەتى جوق. ءبارىبىر دە ءبارىمىزدىڭ سۇيىكتى ديماشىمىز بولىپ قالا بەرەسىڭ!»، «كوز ۇيرەنبەگەن، ءبىراق وتە تارتىمدىسىڭ!»، «قۇدايىم- اي، مۇلدەم بولەك ادام!».

الايدا، ديماشتىڭ جاڭا يميدجى كوڭىلىنەن شىقپاعان فاناتتار دا تابىلىپ جاتىر.

ەسكە سالايىق، قىركۇيەك ايىنىڭ سوڭىندا قازاقستاندىق ءانشى شىعارماشىلىق جۇمىسىن جالعاستىرۋ ءۇشىن قىتايعا ورالعانىن جازعان ەدى. ال 1- قازاندا Kingchoice.me سايتىندا ازياداعى تارتىمدى جۇلدىزداردىڭ رەيتينگى جاريالاندى. ينتەرنەت قولدانۋشىلاردىڭ داۋىس بەرۋى بويىنشا تۇزىلگەن رەيتينگىدە د. قۇدايبەرگەن 9,3 ميلليوننان استام داۋىسپەن كوش باستادى. ودان كەيىنگى ورىنداعى كورەيالىق BTS توبىنىڭ سوليسى كيم سوكدجين 8,1 ميلليونان استام داۋىس جينادى.