الەمدەگى ەڭ ۇلكەن ۇشاق الماتىعا تاعى قوندى
ونىڭ ۆيدەوسى الەۋمەتتىك جەلىدە پايدا بولدى. اۋەجايدىڭ باسپا ءسوز قىزمەتى الىپ ۇشاقتىڭ قونعانىن راستادى. ول جانارماي قۇيۋ ءۇشىن توقتادى. قازىر قايتا ۇشىپ كەتتى.
ەسكە سالايىق، «Ан-225 «Мрия ۇشاعى الماتىعا وتكەن جىلدىڭ كوكتەمىندە قوناعان بولاتىن. ول كەزدە بورت قىتايدىڭ تيانجيڭ اۋەجايىنا COVID-19 قارسى كۇرەس قۇرالدارى مەن مەديتسينالىق قۇرال- جابدىق الۋ ءۇشىن اتتانعان.
«Ан-225 «Мрия - و. ك. انتونوۆ اتىنداعى تاجىريبەلىك- كونسترۋكتورلىق بيۋروسى جاساعان اسا اۋىر جۇك تاسىمالداۋشى كولىكتىك رەاكتيۆتى ۇشاق. الەمدەگى ەڭ ۇلكەن ۇشاق بولىپ تابىلادى. 1984-1988 -جىلدارى كيەۆ مەحانيكالىق زاۋىتىندا جوبالانىپ سالىنعان. 1988 -جىلى 21 - جەلتوقساندا ول العاش رەت ۇشتى. 1989 -جىلى مامىردا ۇشاقتىڭ «بوران» عارىش كەمەسىمەن بىرگە بايقوڭىرعا ۇشۋى بولدى، ال ماۋسىمدا ۇشاق «بۋرانمەن» بىرگە لە برۋجە اۆياتسيالىق سالونىنا قاتىستى. قازىرگى تاڭدا ان-225 «انتونوۆتىڭ اۆياجەلىلەرى» اۋە كومپانياسىنىڭ قۇرامىندا كوممەرتسيالىق جۇك تاسىمالدارىندا قولدانىلۋدا. ساعاتىنا 850 شاقىرىم جىلدامدىقپەن ۇشا الادى.
اۆتور: الما مۇقانوۆا
