مەيرامبەك بەسبايەۆ ۇلى مەن قىزىن ءوز بەينەبايانىنا ءتۇسىردى

الماتى. قازاقپارات - قازاق ەستراداسىنىڭ جارىق جۇلدىزى مەيرامبەك بەسبايەۆ ۇزاق ۋاقىتتىق ۇزىلىستەن كەيىن، شىعارماشىلىعىن قولىنا الدى.
None
None

ونەر يەسى تىڭدارماندارىنا جاڭا بەينەبايانىن ۇسىندى.

مەيرامبەك بەسبايەۆ «ءومىر ءوتتى» انىنە كليپ تۇسىرگەنىن ءوزىنىڭ Instagram پاراقشاسىندا حابارلادى. ەسترادا جۇلدىزى بۇل بەينەبايانىندا ۇلى مەن قىزىن تۇسىرگەن. سونىمەن قاتار، باستى رولدەردىڭ ءبىرىن تانىمال اكتەر تۇڭعىشباي جامانقۇلوۆ سومدادى.

«بۇل ءان 2009 -جىلى جارىققا شىقتى. كەرەمەت ءاننىڭ دۇنيەگە كەلۋىنە سەبەپكەر بولعان سايات دوسىم مەن سازگەر باعلان وماروۆ اعام. تاماشا ءان ءۇشىن باعلان اعا سىزگە مىڭ العىس. ءسوزىن جازعان اعا دوسىم، مارقۇم ەسەنقۇل جاقىپبەكوۆ اعام تىڭداپ، وڭ باعاسىن بەرىپ ەدى. كوپتەن بەرى وسى انگە تاريحي ءبىر جاقسى دۇنيە ءتۇسىرۋدى ارمانداپ ءجۇردىم. بۇگىن مىنە شۇكىر سول ارمانىم ورىندالدى وسى تۋىندىنىڭ رەجيسسەرى تەمەنوۆ تالعات اعاما، ءوتىنىشىمدى جەرگە قالدىرماي باستى ءرولدى سومداپ بەرگەن، قازاق ونەرىنىڭ مەترى تۇڭعىشباي جاماقۇلوۆ اعاما جانە ءتۇسىرىلىم توبىنا، اتسالىسقان دوستارىما، ءىنى-قارىنداستارىما العىستان باسقا ايتارىم جوق. ساۋساق بىرىكپەي، ينە ىلىكپەيدى. بەرەكە بىرلىكتىڭ ارقاسىندا تاماشا تۋىندى ومىرگە كەلدى دەپ ويلايمىن»، - دەپ جازدى «مۋزارت» ءانشىسى.

تىڭدارماندار بەسبايەۆتىڭ بۇل تۋىندىسىن جىلى قابىلداپ، ءوزىنىڭ وڭ باعاسىن بەردى. وعان قوسا، ءبىرقاتار ونەر يەلەرى دە مەيرامبەكتىڭ بەينەبايانىنا ءتانتى بولعان.

«كەرەمەت بەينەبايان قۇتتى بولسىن! ابۋحايىرعا اكەسىنىڭ كەرەمەت ونەرىن بەرسىن اللا جار بولسىن!»، «ءومىرىمىز ءوتىپ جاتىر اققان سۋداي جىلجىپ اعىپ شىنىمەن شىركىن! كەرەمەت ولەڭ!»، «ەكى ءداۋىردىڭ توعىسقان ءساتى. كينودان ءۇزىندى سياقتى. كليپ قۇتتى بولسىن!»، «ابۋحايىردىڭ ونەردەگى قادامى قۇتتى بولسىن! تەك قانا اق جول! كەرەمەت تۋىندى»، - دەپ جازدى ولار.



سوڭعى جاڭالىقتار