11:54, 05 - قازان 2021 | GMT +5
الماتىدا زاڭسىز نىساندى ءسۇرۋ كەزىندە سوت ورىنداۋشىسى سوققى كورگەن - ۆيدەو
الماتى. قازاقپارات - الماتىدا سوت ورىنداۋشىسى عيماراتتى بۇزۋ كەزىندە سوققىعا جىعىلدى.
وقيعا ۆيدەوعا ءتۇسىرىلىپ، الەۋمەتتىك جەلىلەر مەن مەسسەندجەرلەردە تاراپ كەتتى. كادردان اۋلادا تۇرعان ەرەسەك ەر ادام مەن ەكى پوليتسيا قىزمەتكەرىن جانە بىرنەشە تۇرعىندى كورۋگە بولادى. ءبىر مەزەتتە وعان ەر ادامداردىڭ ءبىرى كەلىپ، بۇيرەك تۇسىنان سوققى بەردى.
الماتى قالاسى جەكە سوت ورىنداۋشىلار پالاتاسىنىنىڭ حابارىنا قاراعاندا، وقيعا 4-قازاندا بولعان. زارداپ شەككەن قىزمەتكەر نىساندى بۇزۋ كەزىندە سوققى كورگەن.
«پوليتسيا قىزمەتكەرلەرىنىڭ جانىندا بەلگىسىز بىرەۋلەر سوت ورىنداۋشىسىنا قىسىم جاساي باستادى. ولار سوت ورىنداۋشىسىنا ءوز مىندەتىن ورىنداۋعا تىيىم سالىپ، قورقىتۋعا تىرىسقان. سوت ورىنداۋشىسى اتالعان دەرەك بويىنشا قىلمىستىق ءىس قوزعاۋ تۋرالى ءتيىستى ارىز جازدى»، - دەدى الماتى قالاسى جەكە سوت ورىنداۋشىلار پالاتاسى.
