ساراپشىلار الەۋمەتتىك جەلىلەردىڭ الەم بويىنشا نەگە ىستەمەي قالعانىن ايتتى
ءتىپتى بۇل رەسۋرستار وسى كومپانيامەن بايلانىستى بولماسا دا، ولاردىڭ جۇمىسىنا اسەر ەتكەن. مۇنداي تۇجىرىم ينتەرنەتتەگى كونتەنتتى جەتكىزۋ جانە تاراتۋ قىزمەتتەرىن كورسەتەتىن Cloudflare فيرماسىنىڭ بايانداماسىندا جازىلعان، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
ول العاشقىلاردىڭ ءبىرى بولىپ Facebook-تەگى اقاۋ تۋرالى حابارلادى، سودان كەيىن رەسمي راستالماعان نۇسقانى ۇسىندى، وعان سايكەس ماسەلە ىشكى جەلىنى جاڭارتۋدى ورناتۋ كەزىندە قاتەلىك تۋىنداعان، DNS مارشرۋتيزاتورلارىمەن ءوزارا ارەكەتتەسۋ ءۇشىن پروتوكولدار جوعالىپ كەتكەن. سالدارىنان مارشرۋتيزاتورلار Facebook سايتتارى مەن كومپانيانىڭ باسقا قوسىمشالارىن ىزدەۋگە سۇراۋ جىبەردى، ءبىراق ولاردى تاپپادى. بۇل جاعدايدا قوسىمشالار قاتە بولعان جاعدايدا ادەپكى قالپى بويىنشا قايتا- قايتا بايلانىس ورناتۋعا تىرىستى. ءسويتىپ مارشرۋتيزاتورلارداعى جۇكتەمە كۇرت ءوستى (30 ەسەگە دەيىن)، بۇل جەلىنى ىزدەۋدە جانە Facebook-كە ەشقانداي قاتىسى جوق باسقا سايتتارعا كوشۋدە قيىندىقتار تۋدىردى.
ءبىر كۇن ىشىندە بۇكىل الەم بويىنشا پايدالانۋشىلار ءتۇرلى الەۋمەتتىك جەلىلەردىڭ، ءموبيلدى ينتەرنەتتىڭ، سايتتار مەن قوسىمشالاردىڭ جۇمىسىنداعى پروبلەمالار تۋرالى حابارلادى. رەسمي تۇردە، بۇل دەرەكتەردى تەك Twitter راستادى، ول Facebook-تەگى پروبلەمالارعا بايلانىستى قيىندىقتاردى پايدالانۋشىلاردىڭ كوپتىگىمەن ءتۇسىندىردى. اۋقىمدى اقاۋ سالدارىنان جەتەكشى امەريكالىق IT- كومپانيالاردىڭ، سونىڭ ىشىندە Facebook, Twitter، Alphabet جانە Amazon اكسيالارى قۇلدىراۋدا.
Forbes سايتىنداعى The World's Real-time Billionaires مالىمەتتەرىنە سايكەس، Facebook جەلىسىنىڭ نەگىزىن قالاۋشى مارك سۋكەربەرگ ءبىر كۇندە 6,4 ميلليارد ا ق ش دوللارىن جوعالتتى. Facebook كومپانياسىنىڭ يەسى مارك سۋكەربەرگ دۇيسەنبىدە بولعان اۋقىمدى اقاۋ ءۇشىن قولدانۋشىلاردان كەشىرىم سۇرادى. ول مۇنى ءوز فۋنكتسيالارىن قالپىنا كەلتىرگەن اتتاس الەۋمەتتىك جەلىدەگى ءوز پاراقشاسىندا جازدى.
«Facebook, Instagram, WhatsApp جانە Messenger ونلاين جۇمىسقا قايتا قوسىلۋدا. بۇگىنگى اقاۋ ءۇشىن كەشىرىم سۇرايمىن: سىزدەر ءۇشىن ماڭىزدى ادامدارمەن بايلانىستا بولۋ ءۇشىن ءبىزدىڭ قىزمەتتەرىمىزگە قانشالىقتى سەنىم ارتاتىندارىڭىزدى بىلەمىن»، - دەپ جازدى سۋكەربەرگ.
ەسكە سالا كەتەيىك، كەشە الەم بويىنشا Facebook, Instagram جانە WhatsApp جەلىلەرىنىڭ جۇمىسىندا اقاۋ پايدا بولعان ەدى. Facebook, Instagram جانە WhatsApp جەلىلەرى ا ق ش، ۇلى بريتانيا، يتاليا، كانادا، فرانسيا گەرمانيا سياقتى ەلدەردە جۇمىس ىستەمەي قالعان. قازاقستاندىقتار دا اتالمىش الەۋمەتتىك جەلىلەردى پايدالانا الماي قالدى. Facebook-تەگى اقاۋ Downdetector سەرۆيسى جۇمىسى تاريحىنداعى ەڭ ۇلكەن اقاۋ دەپ اتالدى. سەرۆيس الەمنىڭ تۇكپىر- تۇكپىرىنەن پروبلەمالار تۋرالى 10,6 ميلليوننان استام حابارلاما الدى.
