قازاقستان مۇناي ءوندىرۋدى ارتتىرادى

نۇر- سۇلتان. قازاقپارات - بۇگىن بەينەكونفەرەنسيا فورماتىندا وپەك+ كەلىسىمىنە قاتىسۋشى ەلدەردىڭ مينيسترلىك وتىرىسى ءوتتى، دەپ حابارلايدى قازاقپارات ق ر ەنەرگەتيكا مينيسترلىگىنىڭ باسپا ءسوز قىزمەتىنە سىلتەمە جاساپ.

وتىرىسقا قازاقستان اتىنان ەنەرگەتيكا ءمينيسترى ماعزۇم مىرزاعاليەۆ قاتىستى. م. مىرزاعاليەۆ قازاقستاننىڭ وپەك+ كەلىسىمىنە بەرىكتىگىن جانە ءوز مىندەتتەمەلەرىن ورىنداۋعا دايىندىعىن راستادى. سونداي- اق ەنەرگەتيكا ءمينيسترى قازاقستان الداعى ايلاردا ءوندىرىستى ودان ءارى بىرتىندەپ ارتتىراتىنىن اتاپ ءوتتى.

«وتىرىس قورىتىندىسى بويىنشا وپەك+ ەلدەرىنىڭ اعىمداعى ءوندىرۋ دەڭگەيىن كەلىسىمگە قاتىسۋشىلار شەكتەۋلەردى الىپ تاستاعانعا دەيىن اي سايىن تاۋلىگىنە 400 مىڭ باررەلگە ۇجىمدىق ارتتىرۋ تۋرالى شەشىم قابىلداندى. وسىلايشا، وپەك+ شەڭبەرىندە قازاقستان ءۇشىن كۆوتا قازاندا تاۋلىگىنە 1,524 ميلليون باررەلدى قۇرايدى جانە اي سايىن ءوندىرۋ ورتاشا ەسەپپەن تاۋلىگىنە 16 مىڭ باررەلگە ارتاتىن بولادى»، - دەلىنگەن ۆەدومستۆو حابارلاماسىندا.

ءمالىم ەتىلگەندەي، قازاقستان ءۇشىن كۆوتا قاراشادا تاۋلىگىنە 1,540 ميلليون باررەل بولىپ بەلگىلەنگەن.