قازاقستان جازۋشىلار وداعىنىڭ ءتوراعاسى ەۋرازيالىق قۇرمەت بەلگىسىمەن ماراپاتتالدى
قازاقپارات بۇل تۋرالى قازاقستاننىڭ رەسەيدەگى ەلشىلىگىنە سىلتەمە جاساپ حابارلايدى.
بۇل «ەۋرازيا الەمى - XXI عاسىر» جاھاندىق ەۋرازيالىق جاقىنداسۋدىڭ مەملەكەتارالىق فورۋمى ۇيىمداستىرۋ كوميتەتىنىڭ رەسمي سىيلىعى.
جوبا رەسەي فەدەراتسياسى پرەزيدەنتى اكىمشىلىگىمەن، ەۋرازيالىق ەكونوميكالىق كوميسسيامەن جانە ماسكەۋ قالالىق دۋماسىمەن بىرلەسىپ جۇزەگە اسىرىلۋدا.
«ەۋرازيالىق قۇرمەت بەلگىسى بيىل بەكىتىلدى، قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت ونىڭ العاشقى لاۋرەاتتارىنىڭ ءبىرى اتاندى»، - دەلىنگەن ەلشىلىك سايتىندا.
ماسكەۋدە ورنالاسقان قازاقستان ەلشىلىگىندە وتكەن ماراپاتتاۋ راسىمىندە «ەۋرازيا الەمى - XXI عاسىر» فورۋمىنىڭ ماراپاتتاۋ كەڭسەسىنىڭ مۇشەسى، بۇكىل رەسەيلىك سۋدا قۇتقارۋ قوعامى كەڭەسى ءتورالقاسىنىڭ مۇشەسى يۋري بەزريدنىي ۇلىقبەك ەسداۋلەت «قوعامدىق قىزمەت» جانە «مادەنيەت» نوميناتسيالارى بويىنشا ەلدەردى، مادەنيەتتەر مەن حالىقتاردى ەۋرازيالىق جاقىنداستىرۋ ىسىندەگى كوپ جىلعى ەڭبەگى ءۇشىن ماراپاتتالعانىن اتاپ ءوتتى.
ءوز كەزەگىندە ۇلىقبەك ەسداۋلەت ەۋرازيا كەڭىستىگىندە شىعارماشىلىق بايلانىستار مەن مادەنيەتتەر ديالوگىن نىعايتۋدىڭ ماڭىزدىلىعىن اتاپ ءوتتى.
ايتا كەتەيىك، پاندەميا باستالعالى بەرى قازاقستان مەن رەسەي وكىلدەرى اراسىنداعى شىعارماشىلىق بايلانىستار قايتا جاندانۋدا.
ەسكە سالساق، 2014-جىلدىڭ قاراشا ايىندا ماسكەۋدە ەكى ەل جازۋشىلارىنىڭ كەڭ اۋقىمدى كەزدەسۋى ءوتتى.
