قانات يسلامنىڭ شارشى الاڭعا قاشان ورالاتىنى انىقتالدى

نۇر-سۇلتان. قازاقپارات - ورتا سالماقتا ونەر كورسەتەتىن 36 جاستاعى قازاقستاندىق بوكسشى قانات يسلام (28-0، 22 ك و) جىل سوڭىنا دەيىن جەكپە-جەك وتكىزۋدى جوسپارلاپ وتىر.

بۇل تۋرالى Vesti.kz تىلشىسىنە بوكسشىنىڭ كومانداسىنداعى دەرەككوز ايتتى.

يسلام Turan Promotion پروموۋتەرلىك كومپانياسى ۇيىمداستىراتىن بوكس كەشىندە شارشى الاڭعا شىعادى. بۇل كەشتىڭ ناقتى قاشان وتەتىنى ازىرگە بەلگىسىز. ءبىراق 2021-جىلدىڭ سوڭىنا دەيىن بولادى.

ال بوكسشىمىزدىڭ ءوزى قازىرگى ۋاقىتتا ستامبۋل (تۇركيا) قالاسىندا دايىندىق جۇمىستارىن وتكىزۋدە.

سوڭعى مارتە قانات يسلام شارشى الاڭعا 21- قاڭتار كۇنى مايامي (فلوريدا شتاتى، ا ق ش) قالاسىندا شىعىپ، جەتىنشى راۋندا ەكۆادورلىق دجەيسون ميندانى (14-4-1، 8 ك و) جەڭگەن بولاتىن.

سول كەزدەسۋدەن كەيىن بوكسشىنىڭ مەنەدجەرى نەلسون لوپەس يسلامنىڭ بيىل تاعى ەكى كەزدەسۋ وتكىزەتىنىن ايتتى. ءبىراق ول كەزدەسۋلەر وتپەدى.