ايدا بالايەۆا ەۋروپالىق وداقتىڭ ارنايى وكىلدەرىمەن كەزدەستى
مينيسترلىكتەن ءمالىم ەتكەندەي، كەزدەسۋگە سونداي-اق، ە و- نىڭ ورتالىق ازيا بويىنشا ارنايى وكىلى تەري حاكالا، ە و- نىڭ قازاقستانداعى وكىلدىگىنىڭ باسشىسى كەستۋتيس يانكاۋسكاس، ەۋروپالىق سىرتقى ءىس-قيمىلدار قىزمەتىنىڭ ورتالىق ازيا بويىنشا باسقارماسىنىڭ باسشىسى ديتماروس كريسسلەر، ازاماتتىق باستامالاردى قولداۋ ورتالىعىنىڭ (ا ب ق و) باسشىسى ليما دياس جانە تاعى باسقالارى قاتىستى.
قوناقتار قازاقستاننىڭ ازاماتتىق اليانسى مەن ۇلتتىق ەرىكتىلەر جەلىسى ورنالاسقان ا ب ق و جاڭا وفيسىمەن تانىستى. مۇندا كەز كەلگەن ادام قانداي گرانتتار جۇزەگە اسىرىلىپ جاتقانى جونىندە، ءتۇرلى كونكۋرستارعا قالاي قاتىسۋعا بولاتىنى تۋرالى تەگىن كەڭەستەر الا الادى.
«بۇل - ازاماتتىق قوعامدى دامىتۋدىڭ ناعىز ورتالىعى دەپ ايتۋعا بولادى. كەز كەلگەن ۇ ە ۇ وكىلدەرى نەمەسە ازاماتتىق باستاما تانىتقان ازاماتتار ءاردايىم وسىندا كەلىپ، ونى قىزىقتىراتىن ازاماتتىق سالانىڭ بارلىق ماسەلەلەرى بويىنشا تولىققاندى كەڭەس الا الادى»، - دەدى ا. بالايەۆا.
مينيستر ە. گيلمورعا ازاماتتىق قوعامنىڭ زاڭنامالىق بازاسىن جەتىلدىرۋ بويىنشا جۇرگىزىلىپ جاتقان جۇمىستار تۋرالى ايتىپ بەردى. ءوز كەزەگىندە ەۋروپالىق تاراپ وڭىرلىك قاۋىپسىزدىكتى دامىتۋ بويىنشا بىرلەسكەن كۇش-جىگەردى ارتتىرۋدىڭ ماڭىزدىلىعىن اتاپ ءوتىپ، ەكى تاراپتىڭ الەۋەتىن دامىتۋدا ءوزارا جاردەمدەسۋگە نيەت ءبىلدىردى.
كەزدەسۋ قورىتىندىسى بويىنشا قاتىسۋشىلار ارىپتەستىك نەگىزدە سىندارلى ىنتىماقتاستىققا ەكەۋارا قىزىعۋشىلىق تانىتتى.
ايتا كەتەيىك، كەزدەسۋ ەندريۋ گيلموردىڭ قازاقستانعا ساپارى اياسىندا ءوتتى. ساپار باعدارلاماسىندا ە و-و ا ازاماتتىق فورۋمىنا قاتىسۋ جانە نۇر-سۇلتان، الماتى قالالارىنىڭ مەملەكەتتىك ورگاندارى باسشىلارىمەن كەزدەسۋ دە بار.
