قازاقستاندا سوتتالعاندارعا قانداي مەديتسينالىق كومەك كورسەتىلەدى؟

نۇر-سۇلتان. قازاقپارات - ق ر ءى ءى م قىلمىستىق-اتقارۋ جۇيەسى كوميتەتىنىڭ ءبولىم باسشىسى جانار شايدۋللينا قازاقستاندا سوتتالعاندارعا قانداي مەديتسينالىق كومەك كورسەتىلەتىنىن ايتىپ بەردى، دەپ حابارلايدى قازاقپارات.

«بيىلعى 19- شىلدەدە پرەزيدەنت قاسىم-جومارت توقايەۆ «قازاقستان رەسپۋبليكاسىنىڭ مەملەكەتتىك باسقارۋ جۇيەسىن جەتىلدىرۋ جونىندەگى شارالار تۋرالى» جارلىققا قول قويدى.

وعان سايكەس سوتتالعانداردى مەديتسينالىق قامتاماسىز ەتۋ ىشكى ىستەر مينيسترلىگىنەن دەنساۋلىق ساقتاۋ مينيسترلىگىنە بەرىلۋى ءتيىس. سوتتالعانداردى مەديتسينالىق قامتاماسىز ەتۋ فۋنكتسيالارىن دەنساۋلىق ساقتاۋ ورگاندارىنىڭ قاراماعىنا بەرۋ تەكسەرۋدىڭ، دياگنوستيكانىڭ جانە ەمدەۋدىڭ زاماناۋي ادىستەرىنە كەڭىنەن قول جەتكىزۋگە مۇمكىندىك بەرەدى»، - دەدى جانار شايدۋللينا ق ر ءى ءى م ۇيىمداستىرعان بريفينگتە.

ونىڭ ايتۋىنشا قازىرگى ۋاقىتتا قازاقستاننىڭ پەنيتەنتسيارلىق مەكەمەلەر جۇيەسىندە 80 مەكەمە بار، ولاردىڭ 64 ءى - ءتۇرلى رەجيمدەگى كولونيالار جانە 16 تەرگەۋ يزولياتورلارى، وندا 34 مىڭنان استام سوتتالعان (24,9 مىڭ) جانە تەرگەۋمەن قاماۋعا الىنعان (5,3 مىڭ) ادامدار بار.

«دەنساۋلىق ساقتاۋ جانە مەديتسينالىق كومەك جانە ءومىر ءسۇرۋ - ءار ادامنىڭ اجىراماس قۇقىعى بولىپ سانالادى. وسى ماقساتتا قوعامنان وقشاۋلاۋدىڭ باستاپقى ساتىنەن باستاپ، باس بوستاندىعىنان ايىرۋ جازاسىن وتەۋ كەزەڭىندە دەنساۋلىق ساقتاۋعا ەرەكشە كوڭىل بولىنەدى. وقشاۋلانعان ادامدار مەديتسينالىق كومەك الۋ كەزىندە ق ر ازاماتتارىنىڭ بارلىق قۇقىقتارىن پايدالانادى. ول دەنساۋلىق ساقتاۋ سالاسىندا بەكىتىلگەن ستاندارتتارعا سايكەس ۇسىنىلادى»، - دەپ اتاپ ءوتتى جانار شايدۋللينا.

سپيكەردىڭ ايتۋىنشا، ەمدەۋ مەن پروفيلاكتيكالىق كومەك وقشاۋلاۋ جاعدايىندا دا، ازاماتتىق دەنساۋلىق ساقتاۋ سەكتورىندا دا كورسەتىلەدى.

«قاج مەكەمەلەرىندە مەديتسينالىق كومەك «حالىق دەنساۋلىعى جانە دەنساۋلىق ساقتاۋ جۇيەسى تۋرالى» ق ر كودەكسىنە، ق ر قىلمىستىق-اتقارۋ كودەكسىنە، ءى ءى م ۆەدومستۆولىق بۇيرىقتارىنا جانە تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە باسقا دا نورماتيۆتىك-قۇقىقتىق اكتىلەرگە سايكەس جۇزەگە اسىرىلادى. ق ا ج مەكەمەلەرىندە مەديتسينالىق كومەك كورسەتۋ ءۇشىن ستاتسيونارلارى بار 65 مەديتسينالىق ءبولىم، ونىڭ ىشىندە 16 - تەرگەۋ يزولياتورىندا، 6 ەمدەۋ-پروفيلاكتيكالىق مەكەمەسىندە، 3 تۋبەركۋلەزگە قارسى اۋرۋحانادا، سونداي-اق قاۋىپسىزدىگى بارىنشا تومەن مەكەمەلەردە (قونىس-كولونيالاردا) 15 دەنساۋلىق پۋنكتىندە جۇمىس ىستەيدى»، - دەدى ج. شايدۋللينا.