دەنساۋلىق ءمينيسترى: ەكپەدەن كەيىنگى قايعىلى جايتتاردىڭ سەبەبى - سايكەستىك
«جالپى العاندا ۆاكسينادان بولعان قايعىلى جاعداي تىركەلگەن جوق. ادامدار ءبىرىنشى جانە ەكىنشى دوزاسىن دا الىپ جاتىر. ۆاكسينا الۋ كەزىندە تۋىنداعان ءار جاعداي بويىنشا تۇتاس ءبىر كوميسسيا قۇرىلىپ، تەكسەرەدى. بۇل جەردە قايعىلى جايتتار مەن ەكپەنىڭ سايكەس كەلگەن جاعدايلارى ەكەنىن تۇسىنگەن وتە ماڭىزدى. ەلەستەتىپ كورىڭىز. ەلىمىزدە ەرەسەك حالىقتىڭ 7,5 ميلليونى ەكپە الىپ قويعان. كوروناۆيرۋسقا دەيىن دە كۇن سايىن ينفاركتەن 5 ادام، ينسۋلتتەن 10 ادامعا دەيىن، وزگە اۋرۋلاردان كۇن سايىن ادامدار قايتىس بولاتىن. ولار سوزىلمالى اۋرۋلاردىڭ اسەرىنەن، ىلەسپە اسقىنۋلاردىڭ سالدارىنان، قان قىسىمىنىڭ كوتەرىلۋىنەن بۇرىن دا قايتىس بولىپ جاتاتىن. سول تەندەنتسيا قازىر دە وزگەرىپ جاتقان جوق»، - دەدى مينيستر.
ونىڭ ايتۋىنا قاراعاندا، مۇنداي جاعدايلار پسيحولويگيالىق تۇرعىدا ۆاكسينا العان كەزبەن بايلانىستىرىلادى دا، ازاماتتار بىردەن ۆاكسينادان كورە باستايدى.
«ءبىراق سايكەستىك بولعان جايتتاردىڭ بارىندە ەكپە العان ادامنىڭ سوزىلمالى اۋرۋى، قىسىمى جوعارى بولعانىن نەمەسە ميىندا اقاۋلار بولعانىن كوردىك. سوندىقتان، اۋرۋدىڭ سوزىلمالى انامنەزى بولعان. وسىنداي جايتتىڭ ءارقايسىسىن ءبىز جەكە قارايمىز. ءاربىر وسىنداي جاعداي بويىنشا ناقتى رەگلامەنت بار»، - دەدى ۆەدومستۆو باسشىسى.
