قاراعاندىلىق فەرمەر كورشىسىنىڭ جىلقىلارىن اتىپ تاستاعان

قاراعاندى. قازاقپارات - قاراعاندى وبلىسىندا فەرمەر كورشى شارۋاشىلىقتىڭ يەسىنە تيەسىلى ءتورت جىلقىنى اتىپ ءولتىردى. جانۋارلار ونىڭ استىق القابىنا ءتۇسىپ كەتكەن، دەپ حابارلايدى قازاقپارات ءتىلشىسى.

30 - قىركۇيەكتە قاراعاندى وبلىسى بۇقار جىراۋ اۋدانىنىڭ پوليتسيا باسقارماسى ع. مۇستافين كەنتىنىڭ پوليتسيا بولىمىنە 62 جاستاعى شارۋا قوجالىعىنىڭ باسشىسىنان ارىز تۇسكەن. ول بەلگىسىز بىرەۋ ونىڭ ءتورت جىلقىسىن اتىپ تاستاعانىن حابارلاعان. شىعىن سوماسى 3 ميلليون تەڭگەنى قۇرادى. وقيعا ورنىنا جەدەل- تەرگەۋ توبى اتتاندى.

«پوليتسەيلەر كۇدىكتىنى ءىزىن سۋىتپاي ۇستادى. ول باسقا شارۋا قوجالىعىنىڭ 71 جاستاعى باسشىسى بولىپ شىقتى. فەرمەر جىلقىلاردىڭ استىق القابىندا جايىلىپ جۇرگەنىن جانە ولاردى قورقىتۋ ءۇشىن اتىس قارۋىن قولدانعانىن ءتۇسىندىردى. پوليتسيا كۇدىكتىدەن تىركەلگەن اڭ مىلتىعىن تاركىلەدى. ق ر قىلمىستىق كودەكسىنىڭ 202-بابى «بوتەننىڭ مۇلكىن قاساقانا جويۋ نەمەسە ءبۇلدىرۋ» بويىنشا قىلمىستىق ءىس قوزعالدى. تەرگەۋ ءجۇرىپ جاتىر»، - دەپ حابارلادى قاراعاندى وبلىسى پوليتسيا دەپارتامەنتىنىڭ باسپا ءسوز قىزمەتىنەن.

ق ر ق ك- ءنىڭ اتالمىش بابى بويىنشا فەرمەرگە 2000 اەك (1 اەك - 2917 تەڭگە) نەمەسە 5834000 كولەمىندە ايىپپۇل سالىنادى نەمەسە ەكى جىلعا باس بوستاندىعىنان ايىرىلۋى مۇمكىن.