ديماشتىڭ بەينەبايانى ارگەنتينادا كورسەتىلدى
ارگەنتيناداعى فولك كلۋبتار ءان مەن بيگە قۇمار حالىقتىڭ سۇيىكتى ورىندارىنىڭ ءبىرى دەۋگە بولادى. وندا كوبىنەسە قالىڭ كوپشىلىكتىڭ جۇرەگىنن ورىن العان تانىمال حالىق اندەرى ورىندالادى. وسىناۋ مۋزىكالىق اۋرانى كوزبەن كورىپ، جان- دۇنيەسىمەن سەزىنۋ ءۇشىن تۋريستەر دە فولك كلۋبتارعا ءجيى بارادى.
3 - قازاندا سالتا پروۆينتسياسىنىڭ فولك- كلۋبىنداعى ۇلكەن ەكراندا ديماشتىڭ اتى اڭىزعا اينالعان «S. O. S» ءانىن ورىنداعان ءساتى كورسەتىلدى.
«وعان قۇدايدىڭ ءوزى باتاسىن بەرگەن. ونى كوبىڭىز بىلەسىزدەر. بىلمەسەڭىزدەر، ول جەر شارىنىڭ كەلەسى ءبىر بۇرىشىنان شىققان. ونىڭ اتى - ديماش، ونىڭ داۋىسى تاڭعاجايىپ»، - دەپ تانىستىردى شارانىڭ جۇرگىزۋشىسى قازاقستاندىق ءارتىستى.
dimashnews.com-نىڭ جازۋىنشا، «S. O. S» بەينە كورسەتىلىمى «La Era Dimash» راديو ستانسساسى ۇيىمداستىرعان ارنايى تۋر اياسىندا ۇيىمداستىرىلعان.
«تۋردىڭ ماقساتى - قازاقستاندىق ءارتىستى ارگەنتينانىڭ تۇكپىر- تۇكپىرىنە تانىستىرۋ، ونىڭ شىعارماشىلىعىن ودان دا كوپ ادامدار تانۋ»، - دەپ جازادى.
اۆتور: ەسىمجان ناقتىباي
