كوروناۆيرۋس: رەسەيدە جاڭا انتيرەكورد تىركەلدى

نۇر- سۇلتان. قازاقپارات - ەۋروپادا كوروناۆيرۋس بويىنشا قاۋپى جوعارى مەملەكەتتەر ءتىزىمى تولىعۋ ۇستىندە. رەسەيدە جاڭا انتيرەكورد تىركەلدى.

بۇل تۋرالى قازاقستاندا COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram-كانالىندا ءمالىم ەتىلدى، دەپ حابارلايدى قازاقپارات.

ەۋروپا كوروناۆيرۋس قاۋپى جوعارى ەلدەر ءتىزىمىن تولىقتىرۋدا. گەرمانيا رۋمىنيا مەن ليتۆانى COVID-19 بويىنشا قاۋىپتى ەلدەر دەپ جاريالادى. بۇگىنگى كۇنگە دەيىن ە و ەلدەرى اراسىندا «قىزىل» ايماققا سلوۆەنيا جاتقىزىلىپ كەلگەن ەدى. روبەرت كوح ينستيتۋتى بەلارۋستى دا جوعارى قاۋىپتى ايماقتار قاتارىنا قوستى. بۇل ەلدەرگە كىرەتىن ازاماتتار گەرمانياعا ۆاكسيناتسيا سەرتيفيكاتىنسىز نەمەسە كۆي- دەن ايىقپاعان كۇيى ورالعان جاعدايدا، 10 كۇندىك كارانتينگە جىبەرىلەدى. كارانتيننەن بەسىنشى كۇنى عانا تەرىس تەست ناتيجەسىمەن شىعا الادى.

جالپى، بۇكىل الەم بويىنشا جوعارى تاۋەكەل تىزىمىنە 70-كە جۋىق ەل ەنگىزىلگەن.

رەسەي فەدەراتسياسىندا كوروناۆيرۋسقا شالدىعۋ جانە ءولىم- ءجىتىم كۇرت ارتتى. رەسمي مالىمەتتەرگە سايكەس، وتكەن تاۋلىكتە 26 مىڭعا جۋىق ادامعا COVID-19 دياگنوزى قويىلدى، 890 پاتسيەنت قايتىس بولدى - بۇل جاڭا انتيرەكورد. وسىعان بايلانىستى رەسەي وڭىرلەرى جاڭا شەكتەۋلەر ەنگىزۋدە. مىسالى، ۋفا مەن پەرم ولكەسىندە QR- كودتار جۇيەسى قايتادان ىسكە قوسىلادى. پسكوۆتا بارلىق سپورتتىق جانە ءدىني شارالار توقتاتىلدى، 65 جاستان اسقان ادامدار ءۇشىن ءوزىن- ءوزى وقشاۋلاۋ مىندەتتى بولىپ تابىلادى. حانتى- مانسييسك اۆتونوميالىق وكرۋگىندە جانە روستوۆ وبلىسىندا بيۋدجەتتىك قىزمەتكەرلەر قاشىقتان جۇمىس جاساۋ فورماتىنا اۋىستىرىلادى.