قازاقستان ارمياسىندا اسكەرلەردى قورىتىندى تەكسەرۋ باستالدى
بۇل كەزەڭ قازان ايىنىڭ سوڭىنا دەيىن جالعاسادى، دەپ حابارلايدى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
قورىتىندى تەكسەرۋدىڭ ماقساتى اسكەرلەردىڭ جاۋىنگەرلىك جانە جۇمىلدىرۋ دايىندىعىنىڭ ناقتى جاي- كۇيىن، جەكە قۇرامنىڭ دايارلىق دەڭگەيىن ايقىنداۋ، سونداي- اق كومانديرلەرگە كۇندەلىكتى جانە جاۋىنگەرلىك وقۋ- جاتتىعۋ قىزمەتىن ۇيىمداستىرۋ جۇمىستارىنىڭ تۇرلەرىن، ادىستەرىن جەتىلدىرۋدە ءىس جۇزىندە قولداۋ كورسەتۋ بولىپ تابىلادى.
باس شتابتىڭ، قارۋلى كۇشتەر تۇرلەرى باس قولباسشىلارىنىڭ، وڭىرلىك قولباسشىلىقتار اسكەرلەرىنىڭ جانە اسكەر تەكتەرى قولباسشىلارىنىڭ، اسكەري بولىمدەر كومانديرلەرىنىڭ كوميسسيالارى 400-دەن استام قۇراما مەن ءبولىمدى تەكسەرەدى.
اسكەري قىزمەتشىلەر تاكتيكالىق، ارنايى، اتىس، ساپتىق، دەنە شىنىقتىرۋ جانە دايىندىقتىڭ باسقا دا تۇرلەرىن قامتيتىن جاۋىنگەرلىك دايارلىقتىڭ نەگىزگى پاندەرىنەن، سول سياقتى ماشينالار مەن اۆتوموبيل تەحنيكاسىن جۇرگىزۋ، رادياتسيالىق، حيميالىق جانە بيولوگيالىق قورعاۋ، اسكەري توپوگرافيا بويىنشا سىناقتار تاپسىرادى. قورىتىندى تەكسەرۋ ناتيجەلەرىنە قاراي ءاربىر اسكەري قىزمەتشى جەكە- جەكە باعالاناتىن بولادى. سونداي- اق بۇل اسكەري بولىمدەرگە دە قاتىستى.
