ەلورداداعى جانتۇرشىگەرلىك اپات: دارىگەرلەر اپاتتان امان قالعان جالعىز قىزدىڭ جاعدايىن ايتتى
دارىگەرلەردىڭ ايتۋىنشا، بۇگىن ناۋقاستى جالپى پالاتاعا اۋىستىرۋ جوسپارلانعان.
«قىزدىڭ جاعدايى تۇراقتى. بۇگىن ونى پالاتاعا اۋىستىرۋدى جوسپارلاپ وتىرمىز»، - دەپ حابارلادى اكادەميك نۇرلان باتپەنوۆ اتىنداعى ۇلتتىق تراۆماتولوگيا جانە ورتوپەديا عىلىمي ورتالىعىنىڭ ماماندارى.
ەسكە سالا كەتەيىك، 30-قىركۇيەك كۇنى ساعات 00:34-تە Toyota Camry اۆتوكولىگىنىڭ 19 جاستاعى جۇرگىزۋشىسى ەسىل وزەنى ارقىلى وتەتىن كوپىردەن سارايشىق كوشەسىنە قاراي بەتتەگەن بويدا جىلدامدىقتى اسىرىپ، تىزگىنگە يە بولا الماي، قارسى جولاققا شىعىپ كەتكەن ەدى. ءسويتىپ ول Nexىa Ravon اۆتوكولىگىمەن سوقتىعىسىپ، 5 ادام قازا تاپتى .
اپاتتان «Toyota Camry» اۆتوكولىگىندەگى جولاۋشى قىز عانا امان قالىپ، ول شۇعىل تۇردە اكادەميك نۇرلان باتپەنوۆ اتىنداعى ۇلتتىق عىلىمي تراۆماتولوگيا جانە ورتوپەديا ورتالىعىنا جەتكىزىلگەن.
اۆتور: ەسىمجان ناقتىباي
