ەركەك پەن ايەلدىڭ ويلاۋ جۇيەسى

نۇر-سۇلتان.قازاقپارات - ەر ادام مەن ايەل ادام اراسىندا ايىرماشىلىق جەر مەن كوكتەي ەكەنىن ايتۋدىڭ ءوزى ارتىق.

امەريكالىق نەكە ساراپشىسى، ءازىلقوي مارك گانگور ەركەك پەن ايەل ميىنىڭ قۇرىلىسىنداعى ايىرماشىلىقتى بىلاي سيپاتتايدى.

ايەلدەر — ەرلەرگە قاراعاندا كۇردەلى جاراتىلىس. ولار ءبىر- بىرىنەن ويلاۋ جۇيەسى ارقىلى ەرەكشەلەنەدى.

شاڭىراقتىڭ يەسى — ۇلدان باستايىق. ەر ازاماتتىڭ ميى — بىرەگەي جاراتىلىس، ول كىشكەنە قوراپشالاردان تۇرادى. كولىككە ارنالعان بولەك قوراپشا، اقشاعا، جۇمىسقا، بالالارعا، بالالاردىڭ اناسىنا، ءتىپتى بالالار اناسىنىڭ اناسىنا (ەنەسىنە) دا ارنالعان جەكە- جەكە قوراپشا بار. بارلىعى قوراپشادا ورنالاسادى جانە ونىڭ وزىندىك ەرەجەسى دە بار. قوراپتار ءبىر- بىرىنە بايلانىسى بولماۋى كەرەك! ەر ادام قانداي دا ءبىر ماسەلەنى تالقىلاعاندا، ءدال سول ماسەلەگە قاتىستى ءبىر قوراپشانى اشادى، تەك سونىڭ ىشىندەگى ماسەلەنى تالقىلايدى. سودان سوڭ ول قوراپشانى جابادى دا، مۇقيات ورنىنا قويادى. كەيىن ول وزگە قوراپشالارعا اسەرىن تيگىزبەۋى ءتيىس!

ايەلدەردىڭ ميى ەرلەردەن ەرەكشە. ايەلدەر ميى — كوپ سىمنان قۇرالادى. وندا بارلىعى ءبىر- بىرىنە جالعانعان: اقشا كولىككە قوسىلعان، كولىك جۇمىسقا جالعانعان، بالالار اناعا جالعانعان، بارلىعى ءبىر- بىرىمەن تىعىز بايلانىستى. بۇل «ەموتسيا» اتالاتىن كۇشپەن قارقىندى جۇمىس ىستەيتىن ينتەرنەت سەكىلدى. ايەل ادام وتكەندى ەشقاشان ەستەن شىعارمايتىن سەبەبى دە وسى.

ەڭ باستىسى، ەر ادامدار ميىندا ايەلدەر ەش تۇسىنبەيتىن بوس قوراپ بار. ول «ەش ءمانى جوق قوراپ» دەپ اتالادى. ەر ادامدار بارلىق قوراپشا ىشىنەن ءدال وسى قوراپتى جاقسى كورەدى. تەك ءوز قۇزىرىندا بولسا، كۇنى بويى وسى قوراپپەن وتىرار ەدى. ولاردىڭ بالىق اۋلاعا، اڭ اتۋعا بارۋى، تەلەديدار الدىندا جايباراقات جاتا بەرۋى وسى قوراپقا قاتىستى. ايەلدەر ەشقاشان بۇلاي قامسىز جاتا المايدى جانە ەر ادامداردىڭ وسى جايباراقاتتىعىن وتە جەك كورەدى.

massaget.kz