جاپونيا ۇكىمەتى تولىق قۇرامدا وتستاۆكاعا كەتتى
اگەنتتىكتىڭ دەرەگىنشە، قىركۇيەك ايىنىڭ باسىندا شتات باسشىسى يوشيحيدە سۋگا پارتيا باسشىسى لاۋازىمىنا ءوزىن ۇسىنبايتىنىن مالىمدەگەن، بۇل شىن مانىندە ونىڭ پرەمەر - مينيستر قىزمەتىنەن كەتۋىن ءبىلدىردى.
2012-2017 -جىلدارى سيندزو ابە ۇكىمەتىندە سىرتقى ىستەر ءمينيسترى بولعان فۋميو كيشيدا وتكەن سارسەنبىدە پارتيالىق سايلاۋدا جەڭىسكە جەتتى. دۇيسەنبى، 4-قازاندا جاپونيا پارلامەنتىنىڭ ەكى پالاتاسى دا پرەمەر - ءمينيستردىڭ كانديداتۋراسىنا داۋىس بەرەدى، سودان كەيىن ول ءوز مينيسترلەر كابينەتىن تاعايىندايدى. پرەمەر - مينيستر پارتيالار ۇسىنعان كانديداتتاردىڭ كوپشىلىك داۋىسىمەن سايلانادى. ادەتتە، بۇل پارتيالاردىڭ كوشباسشىلارى. وسىلايشا، پارلامەنتتەگى كوپ ورىنعا يە پارتيانىڭ باسشىسى پرەمەر - مينيستر بولادى. ياعني سايلاۋدا جەڭىسكە جەتكەن ليبەرال - دەموكراتيالىق پارتياسىنىڭ كوشباسشىسى فۋميو كيشيدا جاپونيانىڭ 100 - پرەمەر - ءمينيسترى اتانادى. ول دۇيسەنبىدە رەسمي تۇردە مينيسترلەر كابينەتىن قۇرۋعا نيەتتى.
مينيسترلىككە كانديداتتاردى ىرىكتەۋ دەمالىس كۇندەرى اياقتالدى. حيروكازۋ ماتسۋنو ۇكىمەتتىڭ باس حاتشىسى بولماق. بۇرىنعى ۇكىمەتتەن ءۇش ادام جاڭا كابينەتكە اۋىسادى: سىرتقى ىستەر ءمينيسترى توشيميتسۋ موتەگي مەن قورعانىس ءمينيسترى نوبۋو كيشي ءوز قىزمەتتەرىن ساقتاپ قالادى، ال عىلىم جانە ءبىلىم مينيسترلىگىن باسقارعان كويچي حاگيۋدا ەكونوميكا، ساۋدا جانە ونەركاسىپ مينيسترلىگىن باسقارادى.
