شاعىن فۋتبولدان «تۇركى كۋبوگى» تۋرنيرى ءوتتى
«استانا- ارەنا» ستاديونىندا وتكەن بىلعارى دوپ دوداسىنا نۇر-سۇلتان قالاسىندا ازەربايجان، قىرعىزستان، ماجارستان، تۇركيا، تۇرىكمەنستان، وزبەكستان ەلشىلىكتەرىنىڭ، حالىقارالىق ۇيىمداردىڭ، اتاپ ايتقاندا حالىقارالىق تۇركى اكادەمياسى، ازىق- تۇلىك قاۋىپسىزدىك يسلام ۇيىمى (IOFS)، ازياداعا ءوزارا ءىس- قيمىل جانە سەنىم شارالارى كەڭەسى جانە قازاقستان رەسپۋبليكاسىنىڭ سىرتقى ىستەر مينيسترلىگىنىڭ قۇراما كوماندالارى قاتىستى.
حالىقارالىق تۇركى اكادەمياسى جانە ق ر سىرتقى ىستەر مينيسترلىگى ۇيىمداستىرعان تۋرنير قورىتىندىسى بويىنشا ءبىرىنشى ورىندى ماجارستاننىڭ قازاقستانداعى ەلشىلىگى، ەكىنشى ورىندى ق ر سىرتقى ىستەر مينيسترلىگىنىڭ جانە ءۇشىنشى ورىندى حالىقارالىق تۇركى اكادەمياسىنىڭ كوماندالارى يەلەندى.
ايتا كەتۋ كەرەك، تۇركى كەڭەسى قازاقستان رەسپۋبليكاسىنىڭ تۇڭعىش پرەزيدەنتى - ەلباسى، تۇركى كەڭەسىنىڭ قۇرمەتتى ءتوراعاسى ن. نازاربايەۆتىڭ باستاماسىمەن 2009 -جىلى 3 -قازاندا قۇرىلدى. بۇل تاريحي كۇن «تۇركىتىلدەس ەلدەردىڭ ىنتىماقتاستىق كۇنى» رەتىندە اتالىپ وتەدى. حالىقارالىق ۇيىمنىڭ شتاب- پاتەرى ىستانبۇل قالاسىندا ورنالاسقان. ۇيىمعا قازاقستان، ازەربايجان، قىرعىزستان، تۇركيا، وزبەكستان ەلدەرى مۇشە، ال ماجارستان باقىلاۋشى مارتەبەسىنە يە.
