09:20, 04 - قازان 2021 | GMT +5
يتاليادا جەكەمەنشىك ۇشاق ۇيگە سوعىلىپ، سەگىز ادام قازا تاپتى
ميلان. قازاقپارات - ميلادا جەكەمەنشىك ۇشاق اۋەجايدان ۇشىپ شىققاننان كەيىن كوپ ۇزاماي كەڭسە عيماراتىنا سوعىلعان. بورتتاعى سەگىز ادامنىڭ بارلىعى قازا تاپقان. عيمارات بوس بولعان، جەردە ەشكىم زارداپ شەكپەگەن، دەپ حابارلايدى قازاقپارات.
ۇشاق ميلاننىڭ ليناتە اۋەجايىنان ۇشىپ شىققان جانە ساردينيا ارالىنا بەت الۋى كەرەك ەدى، ءبىراق ميلاننىڭ شەتىندە قۇلاعان. كۋاگەرلەردىڭ ايتۋىنشا، ۇشاق ۇيگە قۇلاپ، جارىلعان. جەرگىلىكتى ب ا ق- تىڭ مالىمەتىنشە، قازا تاپقانداردىڭ ىشىندە بالا دا بار.
«ۇشاق قوزعالتقىشتارىن وشىرگەندەي دىبىس ەستىدىم. سودان كەيىن وتە قاتتى جارىلىس بولدى. اينەكتەرىمىز دىرىلدەدى. مەن تەرەزەنى اشىپ، بۋداقتاعان ءتۇتىننىڭ كوتەرىلىپ جاتقانىن كوردىم»، - دەدى رەيتەر اگەنتتىگىنە جەرگىلىكتى تۇرعىن دجۋزەپپە.
Rai TV تەلەارناسى حابارلاعانداي، ۇشاق بورتىندا فرانسۋزدار بولعان، ءبىراق بۇل اقپارات رەسمي تۇردە ازىرگە راستالعان جوق. اپات ميلاننىڭ وڭتۇستىك- شىعىسىنداعى سان- دوناتو ميلانەزە مەترو ستانتسياسىنا جاقىن ماڭدا بولعان. عيماراتتاعى ءورت كوپ ۇزاماي ءسوندىرىلدى.
