«تاليبان» قوزعالىسى سوعىستاعى جەڭىسىنە وراي ميتينگ وتكىزدى
ميتينگكە اۋعان حالقىنىڭ ءداستۇرلى كيىمىن كيگەن ەر ادامدار عانا قاتىستى. جالپى جينالعان جۇرتتىڭ سانى 1500 گە جۋىق. اۋعانستاننىڭ ۋاقىتشا ۇكىمەتى ءدىن ىستەرى ءمينيسترىنىڭ ورىنباسارى مۋسليم حاككاني ءوز سوزىندە «شەتەلدىك اسكەردى ەلدەن شىعارعان يسلامدىق قوزعالىستىڭ تاريحي جەڭىسىن» جوعارى باعالادى.
«بۇل - ءبىز كۇتكەن كۇن. ءوز ماقساتىمىزعا جەتتىك. ءبىراق ەندى بارىمىزدى قورعاۋىمىز كەرەك. ەلىمىزدىڭ بولاشاعى جارقىن»، - دەدى بوسقىندار جونىندەگى مينيستر حاليل حاككاني.
شارا بارىسىندا «شەتەلدىكتەرمەن ۇزاق مەرزىمدى سوعىستا قازا تاپقان» تالىپتەرگە قۇرمەت كورسەتىلدى.
ح. حاككانيدىڭ ايتۋىنشا، «تاليبان» قوزعالىسى ءوز بيلىگىن جەتى اپتا ىشىندە نىعايتىپ، حالىق قولدايتىن اكىمشىلىك قۇردى.
بۇعان دەيىن تالىپتەردىڭ ۋاقىتشا ۇكىمەتىنە قارسى نارازىلىق اكسيالارى ءجيى ۇيىمداستىرىلعان بولاتىن. ولاردىڭ كوپشىلىگىنە ايەلدەر قاتىسقان. الايدا رۇقسات ەتىلمەگەن شەرۋلەرگە تىيىم سالىنعاننان كەيىن ميتينگ وتكىزەتىندەر كۇرت تىيىلدى. ايتا كەتەيىك، بۇگىنگى تاڭدا ەشبىر مەملەكەت تاليبان ۇكىمەتىن ءالى مويىنداعان جوق.
