پوليتسيا جۇرگىزۋشىلەردى جولدا مۇمكىندىگىنشە مۇقيات بولۋدى ەسكەرتتى

نۇر-سۇلتان. قازاقپارات - كۇن رايىنىڭ قولايسىزدىعىنا بايلانىستى پوليتسەيلەر جۇرگىزۋشىلەرگە جول قوزعالىسى ەرەجەلەرىن ساقتاۋ قاجەتتىلىگى تۋرالى ەسكەرتۋ جاسادى، دەپ حابارلايدى قازاقپارات نۇر-سۇلتان قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

«نازار اۋدارىڭىز! جول قوزعالىسىنىڭ بارلىق قاتىسۋشىلارىنا كۇن رايىنىڭ بۇزىلۋىنا بايلانىستى نۇر-سۇلتان قالاسىنىڭ پوليتسيا دەپارتامەنتى جۇرگىزۋشىلەردى جول ءجۇرۋ ەرەجەلەرىن قاتاڭ ساقتاۋعا، بەلگىلەنگەن جىلدامدىقتى اسىرماۋعا، قاجەتتى قاشىقتىقتى ساقتاۋعا شاقىرادى جانە تالاپ ەتەدى. قۇرمەتتى جاياۋ جۇرگىنشىلەر! قاۋىپسىزدىك شارالارىن ساقتاي وتىرىپ، بەلگىلەنگەن ورىنداردا جول بولىگىن باعدارشامنىڭ رۇقسات ەتىلگەن بەلگىسىنە وتىڭىزدەر»، - دەلىنگەن حابارلامادا.

«وتكەن تاۋلىكتە ەلوردادا 65 جول-كولىك وقيعاسى تىركەلدى»، - دەپ حابارلايدى ەلوردا پوليتسيا دەپارتامەنتىنىڭ باسپا ءسوز قىزمەتى.

ۆەدومستۆو وكىلدەرى جۇرگىزۋشىلەردەن قوزعالىس كەزىندە بارىنشا مۇقيات جانە ساق بولۋدى، جىلدامدىق رەجيمىن، قاۋىپسىز قاشىقتىقتى ساقتاۋ كەرەكتىگىن ەسكەرتەدى.

«جاڭبىر كەزىندە، قولايسىز كۇن رايىندا جاياۋ جۇرگىنشىلەر كەلە جاتقان كولىكتەردى كورمەيدى، سوندىقتان اباي بولۋ كەرەك»، - دەلىنگەن حابارلامادا.

اۆتور: اياۋلىم التىنبەك