سۋدان قورقاتىن ەر ادام مۇحيتتى جالعىز ءجۇزىپ ءوتتى

نۇر-سۇلتان. قازاقپارات – ۇلى بريتانيالىق دەيۆ بەلل كۇن ەنەرگياسىمەن جۇمىس ىستەيتىن قايىقپەن ءتورت ايدا اتلانت مۇحيتىن جالعىز كەسىپ ءوتتى.

بۇل تۋرالى Daily Mail جازادى.

ءبىر كەزدەرى كورولدىك تەڭىز كورپۋسىندا قىزمەت ەتكەن 49 جاستاعى ەر ادام 31-مامىردا نيۋ-يوركتەن شىققان. ونىڭ كەمەسى ەكيپاجىنا قۇرلىققا ۇنەمى حابارلاما جىبەرەتىن جابدىقتارمەن، اۋا رايىن باقىلايتىن مونيتورلارمەن جانە سۋ تازارتقىشپەن جابدىقتالعان. بەلل سۋ مەن اشىق تەڭىزدەن قورقاتىنىن اتاپ ءوتتى.

كۇن سايىن ساياحاتشى 12 ساعات ەسكەك ەستى، ال تۇندە كىشكەنتاي كابينادا ۇيىقتادى. ناتيجەسىندە بريتانيالىق 119 كۇن ءجۇزدى. جولدا ول ءارتۇرلى تەڭىز تۇرعىنىن - دەلفين، كيت، قىلىش بالىقتارىن جانە مەدۋزالاردى كەزدەستىردى.

«بۇل ەموتسيالاردىڭ ەپيكالىق ۇيلەسىمى بولدى. بارلىق سپەكترىن سەزىندىم. تەڭىزدە باستان كەشىپ جاتقان ەموتسيالار ءاردايىم كۇشەيە تۇسەدى»، - دەدى ول.

باسىلىمنىڭ مالىمەتىنشە، ەر ادام قىركۇيەكتىڭ سوڭىندا اعىلشىن كورنۋولل وكرۋگىنىڭ جاعالاۋىنا كەلگەن، رەزەرۆتە تەك ءبىر كۇن بولدى.