رەسەي ءمينيسترى: «سپۋتنيك ۆ» ۆاكسيناسىن حالىقارالىق دەڭگەيدە تىركەۋدە كەدەرگى جويىلدى

نۇر-سۇلتان. قازاقپارات - رەسەي فەدەراتسياسىنىڭ دەنساۋلىق ساقتاۋ ءمينيسترى ميحايل مۋراشكو دۇنيەجۇزىلىك دەنساۋلىق ساقتاۋ ۇيىمىندا رەسەيلىك «سپۋتنيك V» ۆاكسيناسىن تىركەۋگە كەدەرگى بولعان بارلىق كەدەرگىلەر جويىلعانىن مالىمدەدى، دەپ حابارلايدى قازاقپارات ءتىلشىسى.

بۇل تۋرالى رەسەيلىك شەنەۋنىك تاسس اگەنتتىگىنىڭ سۇراعىنا بەرگەن جاۋابىندا ايتتى. دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادانوم گەبرەيۋسپەن كەزدەسۋى قالاي وتكەنىن بايانداعان رەسەيلىك مينيستر «سپۋتنيك V» -دى حالىقارالىق دەڭگەيدە تىركەۋ مۇمكىندىكتەرى تۋرالى ايتادى.

«رەسەي فەدەراتسياسىنىڭ رەسەيلىك «سپۋتنيك V» ۆاكسيناسىن ىلگەرىلەتۋ جانە تىركەۋ تۋرالى ۇستانىمى تىڭدالدى. ءبىز بۇگىندە ماسەلەلەردىڭ ءبارىن تولىعىمەن جويدىق. ءوتىنىش بەرۋشى - دۇنيەجۇزىلىك دەنساۋلىق ساقتاۋ ۇيىمىنىڭ الاڭىندا «سپۋتنيك V» ۆاكسيناسىن تىركەۋمەن اينالىساتىن كومپانيا ءبىرقاتار قۇجاتتارعا قول قويىپ، ءبىرقاتار قوسىمشا قۇجاتتاردى ۇسىنۋى كەرەك. بۇل اكىمشىلىك ءراسىم جانە بۇل قاراستىرىلادى»، - دەگەن رەسەيدىڭ دەنساۋلىق ساقتاۋ ءمينيسترى «سپۋتنيك V» ۆاكسيناسىن تىركەۋ بويىنشا ەندى ەشبىر كەدەرگى قالماعانىن ايتتى.

«بۇگىنگى تاڭدا بارلىق كەدەرگىلەر جويىلدى. سوندىقتان ءبىز بۇگىن ودان ءارى جۇمىس ىستەۋگە ەشقانداي كەدەرگى كورىپ وتىرعان جوقپىز. مۇنى بىزگە دۇنيەجۇىزىلىك دەنساۋلىق ساقتاۋ ۇيىمىنىڭ باس ديرەكتورى راستادى»، - دەدى ول.

تاسس اگەنتتىگىنىڭ جازۋىنشا، گەبرەيەسۋس رەسەي Twitter- دەگى جازباسىندا اتالمىش كەزدەسۋ تۋر ا لى پىكىر ءبىلدىرىپ، ونىڭ بارىسىندا دۇنيەجۇزىلىك دەنساۋلىق ساقتاۋ ۇيىمى شۇعىل قولدانۋعا ۇسىنعان ءدارى- دارمەكتەر تىزىمىنە كوروناۆيرۋسقا قارسى ۆاكسينالاردى ەنگىزۋ پروتسەدۋراسى تالقىلانعانىن اتاپ ءوتتى.

ەسكە سالساق، «سپۋتنيك V» ۆاكسيناسى قازاقستان ازاماتتارى ەڭ كوپ قابىلداعان ۆاكسينا بولىپ سانالادى. قاراعاندى قالاسىندا رەسەيلىك ۆاكينانى جاسايتىن زاۋىت تا جۇمىس ىستەپ تۇر.