عالىمدار كوروناۆيرۋستى ەكى ەسە جەڭىل وتكەرۋگە مۇمكىندىك بەرەتىن ءدارى ويلاپ تاپتى
دۇنيەجۇزىلىك دەنساۋلىق ساقتاۋ ۇيىمىمەن سەرىكتەس يۋنيتەيد اگەنتتىگى «مولنۋپيراۆير» پرەپاراتىنىڭ كوروناۆيرۋسپەن جەڭىل جانە ورتاشا دەڭگەيدە اۋىرعانداردىڭ اۋرۋحاناعا جاتۋ قاۋپىن 50 پايىزعا تومەندەتۋگە كومەكتەسەتىندىگىن راستادى.
«مولنۋپيراۆير» - ۆيرۋستىڭ اۋىر اسقىنۋىن بولدىرمايتىن ءتيىمدى جانە قولدانۋى وڭاي ءدارى. بۇل بىزگە قاۋىپتى دەرتكە توسقاۋىل قويۋ ءۇشىن قاجەت»، - دەدى اگەنتتىكتىڭ باس ديرەكتورى فيليپپ دانەتون.
ونىڭ ايتۋىنشا، پرەپارات پاندەميامەن كۇرەس ستراتەگياسىن تۇبەگەيلى وزگەرتە الادى. وسى ادىسپەن ەمدەۋ اۋرۋدىڭ اۋىر جاعدايلارىنىڭ سانىن ەداۋىر ازايتادى جانە دەنساۋلىق ساقتاۋ جۇيەسىنە جۇكتەمەنى جەڭىلدەتەدى.
«حالىقتىڭ تابىسى تومەن جانە ورتاشا ەلدەردە ءدارىنىڭ مۇمكىندىگىنشە كوپ ادامعا قولجەتىمدى بولۋىن قامتاماسىز ەتۋ ءۇشىن ءتيىستى شارالاردى قابىلداۋعا دايىنبىز»، - دەدى ف. دانەتون.
اۆتور: تالعاتجان مۇحامەتبەك ۇلى
