مينيستر ۇستازداردى كاسىبي مەرەكەمەن قۇتتىقتادى
«قىمباتتى ارىپتەستەر! سىزدەردى كەلە جاتقان ءتول مەرەكەلەرىڭىزبەن، كاسىبي مەرەكەلەرىڭىزبەن شىن جۇرەكتەن قۇتتىقتايمىن. ۇلى اعارتۋشى پەداگوگ ىبىراي التىنسارين: «مەن ءۇشىن جاقسى مۇعالىم بارىنەن دە قىمبات. ويتكەنى ول - مەكتەپتىڭ جۇرەگى»، - دەگەن ەكەن. بىزدە ءار ءتۇرلى ءزاۋلىم مەكتەپتەر، ءزاۋلىم عيماراتتار، قۇرىلعىلار بولۋى مۇمكىن. ءبىراق بىزگە، ەڭ باستىسى، ءوز جۇمىسىن سۇيەتىن جانە جان- جاقتان قورعالعان مۇعالىمدەر قاجەت»، - دەدى مينيستر Baq.kz سايتىنىڭ «جەلمايا» جوباسىندا.
اسحات ايماعامبەتوۆ ءوزى باسقاراتىن ۆەدومستۆونىڭ مۇعالىم مۇددەسىن قورعاۋ جولىندا ءارى قاراي دا تىنباي جۇمىس ىستەيتىنىن ايتادى.
«مەملەكەت باسشىسىنىڭ ۇلكەن قولداۋىنىڭ ارقاسىندا زاڭ قابىلداندى، قازىر ۇلكەن جۇمىس جۇرگىزىلىپ جاتىر. سىزدەردى وسى مەرەكەمەن قۇتتىقتاي وتىرىپ، قاجىماس قايرات، شىعارماشىلىق تابىس تىلەيمىن. دەندەرىڭىز ساۋ بولسىن! ءوز- وزدەرىڭىزدى ءاردايىم قولداپ جۇرىڭىزدەر. كوڭىل كۇيلەرىڭىز ءارقاشان كوتەرىڭكى بولسىن. مەرەكەلەرىڭىز قۇتتى بولسىن!»، - دەدى ءبىلىم جانە عىلىم ءمينيسترى.
