14:05, 02 - قازان 2021 | GMT +5
ەلورداداعى «استىقجان» ساۋدا ورتالىعىنداعى ءورت بويىنشا قىلمىستىق ءىس قوزعالدى
نۇر-سۇلتان. قازاقپارات - ەلورداداعى «استىقجان» ساۋدا ورتالىعىنداعى ءورت بويىنشا قىلمىستىق ءىس قوزعالدى، دەپ حابارلايدى قازاقپارات ءتىلشىسى.
بۇل تۋرالى نۇر- سۇلتان قالاسى توتەنشە جاعدايلار دەپارتامەنتىنىڭ باسپا ءسوز قىزمەتى مالىمەت تاراتتى.
«استىقجان» ساۋدا ءۇيىنىڭ جيھاز سالونىنداعى ورتتەن كەلگەن زالالدىڭ شىعىنىن انىقتاۋ ءۇشىن اكىمدىك پەن ساۋدا نىسانى وكىلدەرىنەن جەدەل شتاب قۇرىلدى. قازىرگى تاڭدا قىلمىستىق كودەكستىڭ 292 بابى (ءورت قاۋىپسىزدىگى تالاپتارىن بۇزۋ) بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە. ءورت- تەحنيكالىق ساراپتاما تاعايىندالدى»، - دەپ جازادى دەپارتامەنتتىڭ باسپا ءسوز قىزمەتى.
ەسكە سالساق، بۇگىن تاڭەرتەڭ ەلورداداعى «استىقجان» ساۋ ورتالىعىنىڭ جيھاز سالونىنان ءورت شىقتى. ءورت سوندىرىلگەن. قازىرگى مالىمەت بويىنشا توتەنشە وقيعا سالدارىنان جيھاز سەحىنىڭ 20 جاستاعى قىزمەتكەرى زارداپ شەككەن.
