ەلورداداعى «استىقجان» ساۋدا ورتالىعىنداعى ءورت ءسوندىرىلدى

نۇر-سۇلتان. قازاقپارات - ەلوردالىق ءورت سوندىرۋشىلەر «استىقجان» ساۋدا ورتالىعىنداعى ءورتتى ءسوندىردى، دەپ حابارلايدى قازاقپارات ءتىلشىسى.

«ەلوردالىق ءورت سوندىرۋشىلەردىڭ كۇشىمەن «استىقجان» ساۋدا ورتالىعنىداعى ءورت ءسوندىرىلدى. الدىن الا ەسەپ بويىنشا، جالن شارپىعان اۋماق 7000 مىڭ شارشى مەترگە جەتكەن. ەستەرىڭىزگە سالساق، بۇگىن، 2021 -جىلعى 2-قازاندا ساعات 09.42-دە نۇر-سۇلتان قالاسىنىڭ توتەنشە جاعدايلار دەپارتامەنتى ءورت ءسوندىرۋ بولىمشەلەرى ءال-فارابي داڭعىلى، 28 مەكەن- جايى بويىنشا ءورت تۋرالى كەلىپ تۇسكەن حابارلاما بويىنشا شۇعىل اتتانعان بولاتىن»، - دەپ جازادى نۇر-سۇلتان قالاسى توتەنشە جاعدايلار دەپارتامەنتىنىڭ باسپا ءسوز قىزمەتى.

ءورتتى سوندىرۋگە جەرگىلىكتى دەپارتامەنتتىڭ كۇشتەرى مەن قۇرالدارى - 105 ادام 26 بىرلىك تەحنيكا، كوممۋنالدىق قىزمەتتىڭ 8 ماشيناسى جۇمىلدىرىلدى.

«ءورت ءسوندىرۋ بولىمشەلەرى كەلگەنگە دەيىن عيمارات ىشىندە قالعان 23 جاستاعى قىز 2-قاباتتىڭ تەرەزەسىنەن سەكىرىپ كەتكەن بولاتىن. ونىڭ «ۋنيۆەرسال» جيھاز سەحىنىڭ قىزمەتكەرى ەكەنى انىقتالدى. قۇتقارىلعان قىز جەدەل جاردەم قىزمەتكەرلەرىنە بەرىلدى، جاعدايى ورتاشا اۋىر دارەجەدە»، - دەلىنگەن دەپارتامەنتتىڭ مالىمەتىندە.

ەسكە سالساق، بۇگىن تاڭەرتەڭ ەلورداداعى «استىقجان» ساۋدا ورتالىعىنىڭ جيھاز سالونىنان ءورت شىقتى.

اۆتور: ەسىمجان ناقتىباي