ق ر ىشكى ىستەر ءمينيسترى قازا تاپقان پوليتسەيلەردىڭ وتباسىلارىنا ناگرادالار تاپسىردى
بۇل تۋرالى قازاقپارات ق ر ىشكى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
«ءبىزدىڭ ارىپتەستەرىمىز، پوليتسيا مايورى دارحان سۇلەيەۆ پەن پوليتسيا كاپيتانى نۇربول بايعازييەۆ قىزمەتتىك مىندەتىن ادال اتقارىپ، ارىپتەستەرىنە ۇلگى بولىپ، بولاشاققا جوسپار قۇردى. ولاردىڭ ءومىرىن قيعان قايعىلى وقيعا بارلىق قازاقستاندىقتاردى ءدۇر سىلكىندىردى»، - دەپ اتاپ ءوتتى ءى ءى م باسشىسى.
ۋچاسكەلىك پوليتسيا ينسپەكتورلارى دارحان سۇلەيەۆ پەن نۇربول بايعازيەۆ قازا تاپقان سوڭ پرەزيدەنت قاسىم-جومارت كەمەل ۇلى توقايەۆتىڭ جارلىعىمەن Ⅱ دارەجەلى «ايبىن» وردەنىمەن ماراپاتتالدى.
«بۇگىن مەن مەملەكەت باسشىسىنىڭ تاپسىرماسى بويىنشا ولاردى تاپسىرۋ ءۇشىن كەلدىم»، - دەپ اتاپ ءوتتى مينيستر ەرلان تۇرعىمبايەۆ.
ول ىشكى ىستەر ورگاندارىنىڭ قىزمەتكەرلەرى ءاردايىم قىلمىسقا قارسى كۇرەستە جانە ازاماتتاردىڭ قاۋىپسىزدىگىن قامتاماسىز ەتۋدە الدىڭعى قاتاردى جۇرەتىنىن اتاپ ءوتتى.
«پوليتسەيلەردىڭ كۇندەلىكتى جۇمىسى ءومىر مەن دەنساۋلىققا قاۋىپ توندىرەدى. سىن جاعدايلارىندا بىرنەشە سەكۋند ىشىندە ولار جاۋاپتى شەشىمدەر قابىلداۋعا ءماجبۇر»، - دەلىنگەن حابارلامادا.
