قار، جاڭبىر، تۇمان - سەنبىگە ارنالعان اۋا رايى بولجامى
سيكلون جىراسى جانە ونىمەن بايلانىستى اتموسفەرالىق فرونتتار بۇرىنعىسىنشا قازاقستاننىڭ شىعىس جارتىسىنا ءوزىنىڭ اسەرىن تيگىزەدى. وندا قۇبىلمالى اۋا رايى ساقتالىپ، جاۋىن- شاشىن (جاڭبىر، قار) جاۋادى.
وڭتۇستىك- شىعىستىڭ تاۋلى اۋداندارىندا كەي ۋاقىتتا قاتتى جاۋىن- شاشىن بولىپ، جەل كۇشەيەدى. تۇندە تۇمان، كوكتايعاق بولجانادى.
قازاقستاننىڭ باتىس جارتىسى اۋقىمدى ەۋروپالىق انتيتسيكلوننىڭ ىقپالىندا بولادى. تۇندە جانە تاڭەرتەڭ قوستاناي وبلىسىنىڭ سولتۇستىگىندە، سولتۇستىك- شىعىسىندا تۇمان، كوكتايعاق شاڭدى داۋىل كۇتىلەدى، وبلىستىڭ سولتۇستىگىندە، سولتۇستىك- شىعىسىندا جەل 15-20 م/س كۇشەيەدى.
سولتۇستىك قازاقستان وبلىسىنىڭ باتىسىندا تۇمان كۇتىلەدى، وبلىستىڭ شىعىسىندا جەلدىڭ جىلدامدىعى 15-20 م/س جەتەدى. تۇركىستان وبلىسىنىڭ تاۋلى اۋداندارىندا، پاۆلودار وبلىسىنىڭ باسىم بولىگىندە جەل 15-20 م/س كۇشەيەدى.
شىعىس قازاقستان وبلىسىنىڭ سولتۇستىك جارتىسىندا، قاراعاندى وبلىسىنىڭ سولتۇستىگىندە جانە شىعىسىندا تۇمان، كوكتايعاق كۇتىلەدى، شىعىس قازاقستان وبلىسىنىڭ سولتۇستىك جارتىسىندا جانە وڭتۇستىگىندە جەل 15-20 م/س جىلدىمدىقپەن سوعادى.
الماتى، جامبىل وبلىستارىنىڭ وڭتۇستىك بولىگىندە جانە تاۋلى اۋداندارىندا جەل 15-22 م/س كۇشەيەدى، تۇندە جانە تاڭەرتەڭ سولتۇستىگىندە جانە تاۋلى اۋدانداردا تۇمان تۇسەدى.
