21:54, 01 - قازان 2021 | GMT +5
جاپونيادا كوروناۆيرۋسقا بايلانىستى توتەنشە جاعداي رەجيمى الىنىپ تاستالدى
توكيو. Kyodo- قازاقپارات - جۇما كۇنى جاپونيادا COVID-19 عا بايلانىستى توتەنشە جاعداي رەجيمى تولىعىمەن الىنىپ تاستالدى، دەپ حابارلايدى قازاقپارات kyodo اگەنتتىگىنە سىلتەمە جاساپ.
توكيو مەن باسقا 18 پرەفەكتۋرادا ورناعان توتەنشە جانە كۆازي - توتەنشە جاعداي رەجيمى ەلدە كوروناۆيرۋس جۇقتىرۋ جاعدايلارىنىڭ جانە جالپى ەلدىڭ مەديتسينا جۇيەسىنە سالماقتىڭ ازايۋىنا بايلانىستى بەيسەنبى كۇنى اياقتالدى.
جاپونيادا ينفەكسيا 20 - تامىزدان باستاپ ازايىپ كەلەدى. سول كۇنى ەلدە جۇقتىرعاندار سانى 25867 بولىپ، جالپى ۇلتتىق رەكورد ورناعان. ال بەيسەنبى كۇنى ەل بويىنشا ۆيرۋس جۇقتىرعاندار سانى 1576 بولدى.
توكيودا توتەنشە جاعداي سوڭعى رەت وليمپيادا ويىندارىنىڭ باستالۋىنا دەيىن 11 كۇن قالعاندا، 12 - شىلدە كۇنى ەنگىزىلگەن بولاتىن.
