اسقار مامين ومبى وبلىسىنىڭ گۋبەرناتورىمەن كەزدەستى
تاراپتار ساۋدا-ەكونوميكا، ونەركاسىپتىك كووپەراتسيا، ا و ك، ەنەرگەتيكا، ترانزيتتىك-كولىك، تۋريزم، مادەني-گۋمانيتارلىق سالالارداعى ق ر مەن ر ف شەكارا ماڭى ىنتىماقتاستىعىنىڭ وزەكتى ماسەلەلەرىن تالقىلادى.
كەلىسسوز بارىسىندا ەرتىس ترانسشەكارالىق وزەنىندە كەمە قاتىناسىن دامىتۋ ماسەلەلەرىنە ەرەكشە نازار اۋدارىلدى.
پاۆلودار مەن ومبى قالالارى اراسىنداعى وزەن بويىنشا جۇك تاسىمالداۋ كولەمىن 2025-جىلعا قاراي 4 ەسەگە ارتتىرىپ، جىلىنا 1 ميلليون تونناعا دەيىن جەتكىزۋ جوسپارلانىپ وتىر.
بۇقتىرما، وسكەمەن جانە ءشۇلبى كەمە قاتىناسى شليۋزدەرىنە جۇرگىزىلىپ جاتقان كۇردەلى جوندەۋ جۇمىستارى ەرتىس وزەنى بويىنشا وتپەلى كەمە قاتىناسىن اشۋعا جانە كەلەشەكتە ق ح ر- مەن مۋلتيمودالدىق قاتىناستىڭ اشىلۋىنا ىقپال ەتەتىن بولادى.
قازاقستان - ر ف ومبى وبلىسىنىڭ ءىرى ساۋدا-ەكونوميكالىق سەرىكتەسى. 2021-جىلعى قاڭتار- شىلدە ايلارىندا تاۋار اينالىمى $192,3 ميلليوندى قۇرادى، بۇل وتكەن جىلدىڭ سايكەس كەزەڭىندەگى كورسەتكىشتەن %26,6 عا جوعارى.
