عابيدوللا ءابدىراحىموۆ ۆيتسە-مينيستر قىزمەتىنەن بوساتىلدى

نۇر-سۇلتان. قازاقپارات - ق ر ۇكىمەتىنىڭ قاۋلىسىمەن عابيدوللا راحماتوللا ۇلى ءابدىراحىموۆ باسقا جۇمىسقا اۋىسۋىنا بايلانىستى قازاقستان رەسپۋبليكاسىنىڭ مادەنيەت جانە سپورت ۆيتسە-ءمينيسترى قىزمەتىنەن بوساتىلدى، دەپ حابارلايدى primeminister.kz.

عابيدوللا ءابدىراحىموۆ 1975-جىلى وڭتۇستىك قازاقستان وبلىسىندا دۇنيەگە كەلگەن.

قازاق مەملەكەتتىك اگرارلىق ۋنيۆەرسيتەتىن بىتىرگەن، «بولاشاق» باعدارلاماسى بويىنشا نەمىس جوعارى مەملەكەتتىك باسقارۋ مەكتەبىندە وقىعان، مەملەكەتتىك اكىمشىلەندىرۋ ماگيسترى.

ەڭبەك جولىن 1996-جىلى قازاق مەملەكەتتىك اگرارلىق ۋنيۆەرسيتەتىندە تاعىلىمگەر- وقىتۋشى بولىپ باستاعان.

1999-2008-جىلدارى ق ر مەملەكەتتىك قىزمەت ىستەرى اگەنتتىگىنىڭ قۇرىلىمىندا ءتۇرلى لاۋازىمدار اتقاردى.

2008-2015-جىلدارى ق ر پرەمەر-ءمينيسترى كەڭسەسىنىڭ، ق ر پرەزيدەنتى اكىمشىلىگىنىڭ قۇرىلىمدارىندا جۇمىس ىستەدى، ق ر ب ق د ا ءتوراعاسى بولدى.

2021-جىلعى قاڭتاردان باستاپ قازىرگى ۋاقىتقا دەيىن ق ر مادەنيەت جانە سپورت ۆيتسە-ءمينيسترى قىزمەتىن اتقاردى.