پرەزيدەنت تاپسىرماسى: الماتىدا كوتەرمە- تاراتۋ ورتالىقتارى قۇرىلادى
ەسكە سالساق، مەملەكەت باسشىسى قاسىم- جومارت توقايەۆ ءوزىنىڭ قازاقستان حالقىنا ارناعان سوڭعى جولداۋىندا جەرگىلىكتى اتقارۋشى ورگاندارعا وندىرۋشىلەردىڭ تىزبەگى بويىنشا باعالاردى باقىلاۋدى قامتاماسىز ەتۋدى تاپسىرعان بولاتىن.
«بيىلعى جىلدىڭ قاراشا ايىندا الماتى يندۋستريالىق ايماعىنىڭ ماڭىندا 17 گەكتار الاڭدا «ۇلتتىق ساۋدا- تاراتۋ جەلىسى» ج ش س تاراتۋ ورتالىعىنىڭ قۇرىلىسىن باستاۋ جوسپارلانعان. پايدالانۋعا 2023 -جىلدىڭ باسىندا بەرىلۋى ءتيىس. جەكە ينۆەستور جوبانى مەملەكەتتىك- جەكەشەلىك ارىپتەستىك شەڭبەرىندە ىسكە اسىرادى. بۇل ەل بويىنشا 24 كوتەرمە- تاراتۋ ورتالىقتارىنان تۇراتىن ۇلتتىق تاۋار وتكىزۋ جۇيەسىن قۇرۋ جونىندەگى جوبانىڭ قۇرامداس بولىگى»، - دەدى دامير تازابەك.
جوبا اياسىندا ينۆەستيتسيا سوماسى 35 ميلليارد تەڭگە. بۇل سۋارمالى جەرلەردە وسىرىلەتىن ءونىم كولەمىن ۇلعايتۋدى قوسا العاندا، جەمىس- كوكونىس ونىمدەرى ءوندىرىسىنىڭ ءوسۋىنىڭ نەگىزگى فاكتورى بولاماق. بۇل رەتتە ازىق- تۇلىكتى ساقتاۋدىڭ، ساتۋدىڭ جانە ءبولۋدىڭ جاڭا تەحنولوگياسى قۇرىلاتىن بولادى. كوتەرمە ساۋدا ورتالىقتارى ءونىمدى ساقتاۋ مەن وڭدەۋدەن باستاپ تاراتۋ مەن ساتۋعا دەيىن مامانداندىرىلعان قىزمەتتەردى ۇسىنادى. بۇگىندە باس مەردىگەرمەن بىرگە جوبانىڭ جوبالىق- سمەتالىق قۇجاتتاماسى ازىرلەندى. جوبانىڭ تەحنيكالىق- ەكونوميكالىق نەگىزدەمەسى مەملەكەتتىك ساراپتامادان ءوتتى.
اۆتور: الما مۇقانوۆا
