دارىگەرلەر كوروناۆيرۋستىڭ العاشقى سيمپتومدىق بەلگىلەرى وزگەرگەنىن ايتتى
دارىگەرلەردىڭ سوزىنشە، ۆيرۋس جۇقتىرعان ناۋقاستاردىڭ دەنە قىزۋى تۇماۋ جۇقتىرعان كەزدەگىدەي، ءبىراق ۇزاعىراق سوزىلۋى مۇمكىن.
مەديتسينا قىزمەتكەرلەرى ەندى كوروناۆيرۋس جۇقتىرعانداردا تۇماۋ، تاماقتىڭ اۋىرسىنۋى جانە قىشۋى سەكىلدى بەلگىلەر بارىن ايتادى.
سونداي-اق ماماندار اۋىر نيەۆرولوگيالىق بەلگىلەر تۋرالى ەسكەرتتى: ناۋقاستاردىڭ باسى اينالىپ، باسى اۋىرسىنىپ، السىزدىك بايقالعان. ورىننان بىردەن تۇراتىن كەزدە ناۋقاس تالىپ قالۋى مۇمكىن. بۇل بەلگىنىڭ ءبارى ەكىنشى كۇنى بايقالىپ، بىرنەشە اپتاعا سوزىلۋى مۇمكىن.
دارىگەرلەردىڭ سوزىنشە، بۇرىنعى سيمپتومدار دا بايقالعان. مىسالى اس قورىتۋدىڭ بۇزىلۋى، ءىش اۋىرسىنۋى، سونداي-اق، لوقسۋ مەن قۇسۋ.
فەلدشەرلەر وداعىنىڭ باسشىسى جانە جەدەل جاردەم قىزمەتكەرى دميتري بەلياكوۆ مۇرىن ءبىتۋى كوروناۆيرۋستىڭ جاڭا سيمپتومىنا اينالعانىن ايتىپ وتىر.
