فۋتزالدان قازاقستان قۇراماسىنىڭ قاقپاشىسى قازاقستاندىقتارعا ۇندەۋ جاسادى
يگيتا ءبىر دەڭگەيدەگى كوماندالار كەزدەسكەنىن جانە ەكەۋىندە دە جاقسى ساتتەرى بولعانىن ايتتى.
«سوڭىنا دەيىن كۇرەستىك. پەنالتي - بۇل لوتەرەيا ءتارىزدى، ودان ۇتا المادىق. ارينە، مەن الاڭدا بار كۇشىن سالىپ تىرىسقان، جەڭۋ ءۇشىن ءبارىن جاساعان قۇراممەن ماقتانامىن، ءبىراق ءساتسىز بولدى. ءبىراق الدا ءالى ءۇشىنشى ورىن ءۇشىن ماتچ بار. مەن بارلىق قازاقستاندىقتان بىزگە قولداۋ كورسەتۋىن جانە بىزگە جەڭىسكە كۇش- جىگەر بەرۋىن سۇرايمىن. ءبىز الاڭدا سىزدەردىڭ قولداۋىڭىزدى سەزەمىز!» - دەدى يگيتا ماتچتەن كەيىن ەفيردە.
فۋتزالدان الەم چەمپيوناتىنىڭ فينالىندا پورتۋگاليا ارگەنتينامەن ويناسا، قازاقستان ءۇشىنشى ورىن ءۇشىن برازيليامەن كەزدەسەدى.
ايتا كەتەيىك، فۋتزالدان قازاقستان قۇراماسى ليتۆاداعى الەم چەمپيوناتىنىڭ جارتىلاي فينالىندا جەڭىلگەن بولاتىن. فينالعا بەرىلەر جولدامانى قازاقستاندىقتار ەۋروپا چەمپيونى پورتۋگاليامەن ساراپقا سالعان. ماتچ 2:2 ەسەبىمەن اياقتالىپ، پەنالتي سەرياسىندا پورتۋگاليالىقتار جەڭىسكە جەتتى.
