11:46, 01 - قازان 2021 | GMT +6
الماتى اۋەجايىندا قاۋىپسىزدىك شارالارى كۇشەيتىلەدى
نۇر-سۇلتان. قازاقپارات - الماتى اۋەجايىندا قاۋىپسىزدىك شارالارى كۇشەيتىلەدى.
1-قازاننان باستاپ قازاقستاننىڭ اۆياتسيالىق اكىمشىلىگىنىڭ وكىمى بويىنشا جەدەل- پروفيلاكتيكالىق ءىس- شارالاردىڭ جۇرگىزىلۋىنە بايلانىستى الماتى حالىقارالىق اۋەجايىندا اۆياتسيالىق قاۋىپسىزدىكتى كۇشەيتۋ شارالارى ەنگىزىلەدى.
«تەرمينالعا كىرەبەرىستە قوسىمشا تەكسەرۋ جەلىسى قويىلاتىن بولادى. ۇزىن-سونار كەزەك بولماۋى ءۇشىن، رەيسكە كەشىكپەۋ ءۇشىن، سىزگە اۋەجايعا ەرتەلەۋ كەلۋدى ۇسىنامىز. ساپارىڭىز ءساتتى بولسىن»- دەپ حابارلادى «الماتى حالىقارالىق اۋەجايى» ا ق.