تۋريستەردىڭ پىكىرىنشە ەڭ جاقسى جانە ناشار قالالار اتالدى - فوتو
ساراپشىلار ساياحاتشىلار اراسىندا ەڭ تانىمال 20 قالانىڭ باعاسىن تالدادى، - دەپ حابارلايدى Kaz.tengritravel.kz ءتىلشىسى Тravel Daily Newsسايتىنا سىلتەمە جاساپ.
تۋريستەردىڭ قالالاردى ارالاپ، جەرگىلىكتى كورىكتى جەرلەرگە بارۋى تۋرالى جاعىمدى جانە جاعىمسىز باعالارىن زەرتتەۋدىڭ ناتيجەسى ستوكگولمنىڭ ەڭ جاقسى اسەر قالدىرعانىن كورسەتتى. Google-دەگى 2900 شولۋدىڭ 93 پايىزى وڭ پىكىر قالدىرعان، ال پايدالانۋشىلاردىڭ ۇشتەن ءبىرى ەڭ جوعارى باعا بەردى.
ستوكگولم، شۆەتسيا. فوتو ©Shutterstock
ستوكگولمنان باسقا دۋباي كۇتكەننەن دە جاقسى اسەر قالدىراتىن قالالاردىڭ تىزىمىندە. دۋباي تۋرالى Google-دەگى پىكىردىڭ 92,9 پايىزى وڭ بولدى، 26,7 پايىزى «ەڭ جاقسى»، ال 23,7 پايىزى قالانى «تاڭعاجايىپ» دەپ باعالادى.
دۋباي، ب ا ءا. فوتو ©Shutterstock
جالپى، تۋريستەردىڭ اسەرى كۇتكەنىنەن اسىپ تۇسەتىن ەڭ جاقسى بەس قالا Google-دە وسىلاي كورىنەدى:
1. ستوكگولم - 93,0 پايىز،
2. دۋباي - 92,9 پايىز،
3. كەيپتاۋن - 92,0 پايىز،
4. امستەردام - 91,6 پايىز،
5. كۋالا- لۋمپۋر - 91,4 پايىز.
ۇزدىك بەستىكتە كەيىن 91,2 پايىز وڭ پىكىر جيناعان نيۋ-يورك كەلەدى.
پاريج، فرانسيا. فوتو ©Shutterstock
Google شولۋلارىنا سايكەس، تۋريستەردىڭ ءۇمىتىن اقتاماعان ەڭ ناشار بەس قالا مىناداي:
1. پاريج - 18,1 پايىز،
2. گونكونگ - 15,9 پايىز،
3. سەۋل - 13,3 پايىز،
4. بانگكوك - 12,6 پايىز،
5. سينگاپۋر - 12,2 پايىز.
