قارىن اش كەزدە جاتتىعۋ جاساۋعا بولا ما؟

نۇر-سۇلتان. قازاقپارات - حالىقارالىق فۋنكتسيونالدىق ترەنينگ فەدەراتسياسىنىڭ مۇشەسى، حالىقارالىق كونگرەستەر سپيكەرى يرينا گارماش ارىقتاۋدىڭ ءتيىمدى جولىن ايتتى.

سونىمەن، سالماق تاستاۋدىڭ ءتيىمدى ستراتەگياسى - اش قارىنعا جاتتىعۋ جاساپ، تاڭعى استى وتكىزىپ جىبەرۋ. ماقساتى: اس قورىتۋعا كۇشتى از جۇمساۋ جانە ماي الماسۋىن «قوزعاۋ».

ۇلى بريتانيا عالىمدار توبى ەكسپەريمەنت جۇرگىزىپ، ەگەر ادام تاڭعى اسقا دەيىن جاتتىعۋ جاساسا، اعزاداعى مايدى %20 عا كوپ ەرىتۋى مۇمكىن ەكەنىن كورسەتتى.

فاكت: تاڭەرتەڭ اش قارىنعا جاتتىعۋ جاساۋ ءسىزدىڭ جاتتىعۋ ونىمدىلىگىڭىزدى ارتتىرادى.

British Journal of Nutrition جۋرنالىندا جاريالانعان تاعى ءبىر زەرتتەۋدە دوكتور ەمما ستيۆەنسون مەن اسپيرانت حاۆەر گونسالەس اش قارىنعا جاتتىعۋلار جاسايتىنداردىڭ تاۋلىك بويى تابەتى بولمايتىنىن انىقتادى. بۇل قاتىسۋشىلار قالعان سپورتشىلارمەن سالىستىرعاندا ماي ءتىنىن %20 عا كوپ جويعان.

ناتيجەلەردىڭ مۇنداي ايىرماشىلىعىنىڭ سەبەبى تاڭعى اس ىشپەگەن ادامدارجاتتىعۋدى باستاعان كەزدە قانداعى قانت دەڭگەيى تومەن بولادى. تيىسىنشە، ينسۋلين شىعارىلمايدى، جانە بۇل مايدىڭ جينالۋىنا ىقپال ەتەتىن فەرمەنتتەردىڭ وندىرىلۋىنە جول بەرمەيدى، سونىمەن قاتار مايدى ىدىراتادى. ارينە، بۇل ەرتە تۇرعان ادامدار ءۇشىن جاقسى جاڭالىق.

اش قارىنعا جاسالعان جاتتىعۋلارىنىڭ ارتىقشىلىعى:

- اش قارىنعا جاتتىعۋ جاساۋ سالماق جوعالتۋعا كومەكتەسەدى؛

- مەتابوليزم ۇدەرىستەرىن تەزدەتەدى؛

- ۇيقى رەجيمىن رەتتەيدى.

الايدا، عالىمدار العان وڭ ناتيجەلەرگە قاراماستان، كەي ساراپشىلار اش قارىنعا جاسالعان جاتتىعۋدىڭ پايداسىنان زيانى كوپ دەپ ەسەپتەيدى. سوندىقتان، ەگەر ءسىز اش قارىنعا جاتتىعۋ جاساۋ تۋرالى شەشىم قابىلداساڭىز، دارىگەرمەن كەڭەسىڭىز. جانە وزىڭىزگە تىم جوعارى پلانكا قويۋعا تىرىسپاڭىز، ءبارىن سۇيىسپەنشىلىكپەن جانە باپپەن جاساڭىز.

ۇيىقتاۋعا جەتكىلىكتى ۋاقىت ءبولۋدى، دۇرىس تاماقتانۋدى جانە دەنەنى شامادان تىس جۇكتەمەۋدى ۇمىتپاڭىز. جاتتىعۋلار تۇراقتى جاسالۋى كەرەك. ەسىڭىزدە بولسىن، سەمىزدىك، ونى تۋدىراتىن سەبەپتەر سياقتى (ارەكەتسىزدىك پەن ارتىق تاماقتانۋ) دەنەدە قارتايۋ پروتسەسىن تەزدەتەدى.

ارتىق تاماقتانۋعا بەيىمدىلىك ارتەريالىق گيپەرتەنزيانىڭ پايدا بولۋىنا، جامان حولەستەرين دەڭگەيىنىڭ جوعارىلاۋىنا جانە يممۋنيتەتتىڭ تومەندەۋىنە ىقپال ەتەدى. بۇل ءوز كەزەگىندە اتەروسكلەروزعا جانە مەتابوليزمنىڭ ناشارلاۋىنا اكەلەتىن پروتسەستەردى تۋدىرادى. سوندىقتان كوپ تاماقتانۋدان باس تارتىڭىز.

سەبەبى ارتىق سالماق قوسقان كەزدە، ودان قۇتىلۋ ادەتتە وتە قيىنعا سوعادى. ارتىق قورەكتىك زاتتار ماي جاسۋشالارىندا ۆيستسەرالدى ماي تۇرىندە جينالادى.

ءسىزدىڭ دەنساۋلىعىڭىز - ءسىزدىڭ بايلىعىڭىز. ول ءسىزدىڭ كوڭىل-كۇيىڭىز ءارقاشان جوعارى دەڭگەيدە بولۋىنىڭ كەپىلى. سوندىقتان ونى باستى نازاردا ۇستاڭىز.

massaget.kz