الەمدەگى ەڭ قارت ادام ومىردەن وزدى

نۇر-سۇلتان. قازاقپارات - ەريترەيادا عالامشارداعى ەڭ قارت ادام قايتىس بولدى.

27 - قىركۇيەكتە ازەف اۋىلىندا ناتاباي تينسيەۋ 127 جاسىندا دۇنيەدەن ءوتتى، دەپ حابارلايدى قازاقپارات Daily Mail باسىلىمىنا سىلتەمە جاساپ.

نەمەرەسى Daily Mail گە ايتقانداي، شىن مانىندە ونىڭ اتاسى ءتىپتى 127 ەمەس، 137 جاستا ەكەن، ءبىراق ءدىني قىزمەتكەر شالعايداعى اۋىلعا جەتە الماي، ون جىل بويى تۋۋ فاكتىسىن تىركەي الماعان.

الايدا، شىركەۋ-پريحود كىتابىندا تينسيەۋدىڭ تۋعان جىلى 1894-جىل دەپ جازىلعان. نەمەرەسى اكەسىنىڭ ءومىر ءسۇرۋ ۇزاقتىعى تۋرالى اقپاراتتى رەكوردتار كىتابىنا جازدىرۋ ءۇشىن گيننەسس وكىلدەرىمەن بايلانىسقانىن اتاپ ءوتتى.

قازىرگى ۋاقىتتا ءومىر سۇرگەن ەڭ قارت ەر ادام - جاپون قارياسى دزيروەمون كيمۋرا، ول 2013-جىلى 116 جاسىندا (ونىڭ جاسى ناقتى انىقتالعان) ومىردەن وزدى.