قازاقستاندىق جەڭىل اتلەتتەر ازيا چەمپيوناتىندا ءۇش التىن ەنشىلەدى

نۇر-سۇلتان. قازاقپارات - قازاقستان وكىلدەرى جەڭىل اتلەتيكادان 20 جانە 18 جاسقا دەيىنگىلەر اراسىندا اشىق ازيا چەمپيوناتىنا قاتىستى، دەپ حابارلايدى قازاقپارات Sports.kz-كە سىلتەمە جاساپ.

«قىركۇيەكتىڭ سوڭعى كۇندەرى (29-30.09. 2021) تاشكەنت قالاسىندا (وزبەكستان) جەڭىل اتلەتيكادان 20 جانە 18 جاسقا دەيىنگىلەر اراسىندا III اشىق ازيا چەمپيوناتى وتۋدە. قازاقستان رەسپۋبليكاسىنىڭ ۇلتتىق قۇراماسى ساپىندا «التاي-اتلەتيكس» كلۋبىنىڭ جاس سپورتشىلارى ونەر كورسەتىپ، جارىستىڭ العاشقى كۇنىندە بىردەن ءۇش «التىن» مەدال ولجالادى.

ولار: رىپاكوۆا اناستاسيا — 5.90 (ۇزىندىققا سەكىرۋ)، برومات ۆالەريا — 12.32 (100 م) جانە ەفيم تاراسوۆ — 49.04 (400 م)، سونداي-اق اناستاسيا جانە ۆالەريا ق ر قۇراماسى ساپىندا 100 مەتردەن 4 ەستافەتانى جەڭىپ الدى. ءبىزدىڭ سپورتشىلاردى قۇتتىقتايمىز!» - دەپ حابارلادى «التاي اتلەتيكس» كلۋبىنىڭ باسپا ءسوز قىزمەتى.