الماتىدا زەينەتكەرلەر بي مەن ۆوكالدى، اسپازدىق كۋرستاردى جاقسى كورەدى - ءاسيا ماقانوۆا

الماتى. قازاقپارات - الماتىدا ەكى جىل بۇرىن بەلسەندى ۇزاق ءومىر ءسۇرۋ ورتالىقتارى اشىلعان. مۇنداي ورتالىقتار زەينەتكەرلەردىڭ دەنساۋلىعىن ساقتاۋ مەن بوس ۋاقىتىن ۇيىمداستىرۋعا ارنالعان، دەپ حابارلايدى قازاقپارات ءتىلشىسى.

ونلاين بريفينگ بارىسىندا قالالىق ءماسليحاتتىڭ دەپۋتاتى، بەلسەندى ۇزاق ءومىر ءسۇرۋ ورتالىقتارىنىڭ جەتەكشىسى ءاسيا ماقانوۆا المالى جانە اۋەزوۆ اۋداندارىنداعى بەلسەندى ۇزاق ءومىر ءسۇرۋ ورتالىعىن باسقارىپ وتىرعانىن ايتتى.

«ءبىزدىڭ ورتالىقتاردا زەينەتكەرلەر وزدەرىنە ۇنايتىن كاسىپتى تاۋىپ قانا قويماي، جاڭا دوستار تابا الادى. ءبىزدىڭ ءار ورتالىققا 300-گە جۋىق ادام كەلەدى. زەينەتكەرلەر فيتنەس، يوگامەن اينالىسادى، شاحمات، دويبى ويناپ ۋاقىت وتكىزەدى، سكانديناۆيالىق جۇرىسپەن اينالىسادى، ولارعا مەديتسينالىق پۋنكت قىزمەتى كورسەتىلەدى. قالاۋى بويىنشا سمارتفوندى، الەۋمەتتىك جەلىلەردى، قاجەتتى DamuMed, eGov قوسىمشالارىن جانە كومپيۋتەردى مەڭگەرۋگە، سونداي- اق قازاق جانە اعىلشىن ءتىلى كۋرستارىنان وتۋگە بولادى»، - دەدى ءا. اقانوۆا.

الماتىنىڭ بەلسەندى ۇزاق ءومىر ءسۇرۋ ورتالىقتارىنداعى ساباقتار ەمدىك دەنە شىنىقتىرۋدان باستاپ پسيحولوگيالىق كەڭەس بەرۋگە دەيىن ءار ءتۇرلى. كوبىسى ونەردى - بي مەن ۆوكالدى، سونىمەن قاتار اسپازدىق جانە موتيۆاتسيالىق كۋرستاردى جاقسى كورەدى. سپتكەر 2018 -جىلدان باستاپ ورتالىقتارعا 5 مىڭنان استام زەينەتكەر كەلگەنىن اتاپ ءوتتى.

«ولاردىڭ پسيحولوگيالىق جاعدايى ەداۋىر جاقساردى، ولار كوپشىل بولا باستادى، دەنساۋلىعىندا بەلگىلى ءبىر ناتيجەلەر بايقالدى، ويتكەنى ماماندار اۋرۋدىڭ الدىن الۋعا ەرەكشە نازار اۋدارادى»، - دەدى.

ايتا كەتەيىك، الماتىدا بۇگىنگى كۇنى بارلىعى 9 بەلسەندى ۇزاق ءومىر ءسۇرۋ ورتالىعى جۇمىس ىستەيدى. ولاردىڭ جۇمىسى تۋرالى تولىق اقپاراتتى كولل- ورتالىقتىڭ 1308 ءنومىرى ارقىلى بىلۋگە بولادى.

اۆتور: دۋمان ارعىنگەلدى