جالپىعا بىردەي دەكلاراتسيا: مەملەكەتتىك قىزمەتشىلەردىڭ قانشا دۇنيە- مۇلكى تىركەلدى
بۇل تۋرالى ق ر قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى جايدار ىڭكاربايەۆ ايتىپ بەردى، دەپ حابارلايدى قازاقپارات.
ونىڭ ايتۋىنشا، مەملەكەتتىك قىزمەتشىلەر مەن ولارعا تەڭەستىرىلگەن ادامدار جانە ولاردىڭ جۇبايلارى وزدەرىنىڭ جەكە اكتيۆتەرى مەن مىندەتتەمەلەرىن ءبىرىنشى بولىپ دەكلاراتسيالايدى. وسىلايشا، جىل باسىنان بەرى دەكلاراتسيانى 497 مىڭ ادام تاپسىرعان.
«دەكلاراتسيانى ۇسىنعان 497 مىڭ جەكە تۇلعانىڭ 440-ىندا 58 ەلدىڭ بانكتەرىندە ەسەپشوتتارى بار. اقشانىڭ جالپى سوماسى 691 ميلليارد تەڭگەنى قۇرايدى. رەسەي فەدەراتسياسىندا، امەريكا قۇراما شتاتتارىندا، شۆەيساريادا بانكتىك شوتتاردىڭ ەڭ كوپ سانى اشىلعان. 494 جەكە تۇلعا قازاقستان رەسپۋبليكاسىنان تىس 26 ەلدە 666 جىلجىمايتىن مۇلىك وبەكتىسىن دەكلاراتسيالادى، ونىڭ ىشىندە 436 نىسان رەسەيدە، 44 بىرىككەن اراب امىرلىكتەرى، 38 تۇركيادا جانە ت. ب. تىركەلگەن»، - دەدى سپيكەر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
سونىمەن بىرگە 1030 جەكە تۇلعا 49 شەت مەملەكەتتە تىركەلگەن 1198 كولىك قۇرالىن، ونىڭ ىشىندە 292 رەسەيدە، 235 ارمەنيادا، 221 جاپونيادا، 162 گەرمانيادا جانە ت. ب. دەكلاراتسيالاعان.
«47 جەكە تۇلعانىڭ ءبىزدىڭ ەلدەن تىس 57 زاڭدى تۇلعادا قاتىسۋ ۇلەسى بار، بۇل رەسەيدە، كيپردە، اراب امىرلىگى جانە ت. ب. ال 1585 جەكە تۇلعا 11 ەلدە 1603 جىلجىمايتىن مۇلىك وبەكتىسىنىڭ قۇرىلىسىنا قاتىسۋ ۇلەسىنىڭ بار ەكەنىن كورسەتتى، ونىڭ ىشىندە قازاقستاندا - 1568. 116 ادام ينۆەستيتسيالىق التىندى جاريالادى، 918 ادام 25 ەلدە باعالى قاعازدارى بارىن جاريالادى، 608 ادامنىڭ 635 ينۆەستيتسيالىق پاي قورلارىندا پايلارى بار، 212 ادامنىڭ 218 زياتكەرلىك مەنشىك، اۆتورلىق قۇقىق وبەكتىلەرى بار جانە 355 ادامنىڭ دەبيتورلىق بەرەشەگى، 578 ادامنىڭ كرەديتورلىق بەرەشەگى بار»، - دەدى ج. ىڭكاربايەۆ.
سپيكەردىڭ ايتۋىنشا، سىبايلاس جەمقورلىققا قارسى ءىس- قيمىل تۋرالى» ق ر زاڭىنا سايكەس، جەكە تۇلعالاردىڭ دەكلاراتسيالارىن ۇسىنۋ جونىندەگى مىندەت جۇكتەلگەن تۇلعالار، اكتيۆتەرى مەن مىندەتتەمەلەرى تۋرالى دەكلاراتسياعا قوسىمشالاردا مۇلىكتى سەنىمگەرلىك باسقارۋعا بەرۋ تۋرالى مالىمەتتەر دە كورسەتىلەدى. دەكلاراتسيادا كورسەتىلگەندەي، 1704 جەكە تۇلعا 2327 نىساندى سەنىمدى باسقارۋعا بەرگەن.
ايتا كەتەيىك، جالپىعا بىردەي دەكلاراتسيالاۋ ەرەجەلەرىن ءتۇسىندىرۋ ءۇشىن 1414 پلاتفورماسىندا ءبىرىڭعاي رەسپۋبليكالىق ءنومىر مەن سالىق جانە كەدەن ماسەلەلەرى جونىندەگى بايلانىس ورتالىعى ىسكە قوسىلعان. ودان بولەك، جەكە تۇلعالاردىڭ كىرىستەرى مەن مۇلكىن جالپىعا بىردەي دەكلاراتسيالاۋعا قاتىستى تولىق اقپاراتتى ق ر قارجى مينيسترلىگى مەملەكەتتىك كىرىستەر كوميتەتىنىڭ Kgd.gov.kz رەسمي سايتىنىڭ «جالپىعا بىردەي دەكلاراتسيالاۋ» بولىمىنەن الۋعا بولادى.
الەۋمەتتىك جەلىلەردە: Telegram كانالى، Instagram اككاۋنتى، Facebook پارقاشالارىندا ءتۇسىندىرۋ جۇمىستارى جۇرگىزىلۋدە. اپتا سايىن سارسەنبى كۇندەرى مەملەكەتتىك كىرىستەر دەپارتامەنتتەرى Zoom ارقىلى «سۇراق- جاۋاپ» وتەدى.
اۆتور: ايجان سەرىكجان ق