بيىل قازاقستان مەن رەسەي اراسىنداعى ساۋدا رەكوردتى كورسەتكىشتەرگە جەتەدى - ۆلاديمير پۋتين
بۇل تۋرالى قازاقستان مەن رەسەيدىڭ XVII ءوڭىرارالىق ىنتىماقتاستىق فورۋمىنا ر ف پرەزيدەنتى ۆلاديمير پۋتين ايتتى، دەپ حابارلايدى قازاقپارات ءتىلشىسى.
«ەكى ەل اراسىنداعى ءوزارا ءىس- قيمىل شىنىمەن دە قارقىندى، كوپ جوسپارلى، ەكىجاقتى ءتيىمدى سيپاتقا يە. ءبىز باستاپقىدان قارىم- قاتىناستى وسىلاي قۇرعان ەدىك. بيىلعى جەتى ايدا ەكىجاقتى تاۋار اينالىم 34 پايىزعا ارتىپ، ءبىزدىڭ مالىمەت بويىنشا 14 ميلليارد ا ق ش دوللارىن قۇرادى»، - دەدى ۆلاديمير پۋتين.
ونىڭ پايىمىنشا، بيىل وسى باعىتتا ەلەۋلى كورسەتكىشتەر بولادى دەپ كۇتىلۋدە.
«جىل قورىتىندىسى بويىنشا ءوزارا ساۋدا 20 ميلليارد دوللار رەكوردتى كورسەتكىشكە جەتەدى دەپ ەسكەرىلىپ وتىر. بۇل تۇرعىدا ءوڭىرارالىق ىنتىماقتاستىقتىڭ ۇلەسى زور»، - دەدى ر ف پرەزيدەنتى.
بۇدان بۇرىن حابارلانعانداي، بۇگىن كوكشەتاۋدا مەملەكەت باسشىسى قاسىم- جومارت توقايەۆ پەن رەسەي پرەزيدەنتى ۆلاديمير پۋتيننىڭ قاتىسۋىمەن ەكى ەلدىڭ XVII ءوڭىرارالىق ىنتىماقتاستىق فورۋمى ونلاين فورماتتا ءوتىپ جاتىر. ق ر پرەزيدەنتى ق. توقايەۆ ەل اۋماعىندا ورمان القابىن ارتتىرۋ جۇمىستارىن ايتتى.
اۆتور: رۋسلان عابباسوۆ
