پۋتين: قازاقستانعا ا ە س سالۋعا جاردەمدەسۋگە دايىنبىز

نۇر- سۇلتان. قازاقپارات - رەسەي پرەزيدەنتى ۆلاديمير پۋتين قازاقستانعا اتوم ەلەكتر ستانساسىن قالۋعا جاردەم بەرۋگە دايىن ەكەندىگىن ايتتى، دەپ حابارلايدى قازاقپارات ءتىلشىسى.

«قازاقستاندىق ارىپتەسىم ءارى دوسىم بەيبىت اتوم سالاسىنا قاتىستى ايتقان بولاتىن. ءبىز كورشىلەرىمىزدىڭ، دوستارىمىزدىڭ، ونىڭ ىشىندە قازاقستاننىڭ دا اتوم ەنەرگەتيكاسىن دامىتۋ جونىندەگى جوسپارلارىن ءجىتى قاداعالاپ وتىرامىز. قازاقستان پرەزيدەنتىنىڭ ءسوز سويلەۋىندە ايتقان ۇسىنىستى تۇجىرىمداۋعا تىرىسىپ كورەيىن. رەسەي سەرىكتەستەرىنە، ونىڭ ىشىندە قازاقستاندىقتارعا اتوم ەلەكتر ستانساسىن سالۋ جانە پايدالانۋدا جاردەمدەسۋدى ءارى قولداۋ كورسەتۋدى ۇسىنادى. ەگەر، سىزدەر مۇنداي شەشىم قابىلدايتىن بولساڭىزدار»، - دەپ اتاپ ءوتتى رەسەي پرەزيدەنتى XVII قازاقستان مەن رەسەي ءوڭىرارالىق ىنتىماقتاستىق فورۋمىندا.

ونىڭ اتاپ وتۋىنشە، ءسوز رەسپۋبليكادا تەك اتوم ەلەكتر ستانساسىن سالۋ عانا ەمەس سونىمەن قاتار اۋقىمدى سالا قۇرۋ جايىندا بولىپ وتىر.

«ءسوز رەسەيلىك جوعارى وقۋ ورىندارىندا اتوم ەنەرگەتيكاسىمەن بايلانىستى جاڭا ماماندىقتارعا كادرلاردى وقىتۋدى قامتيتىن تولىقتاي سالا قۇرۋ جايىندا بولىپ وتىر. اتوم ەلەكتر ستانساسىنىڭ اۋانىڭ لاستانۋىنا ىقتالى وتە تومەن. رەسەيلىك ماماندار كەزەڭ- كەزەڭىمەن اتموسفەراعا جۇكتەمەنى تومەندەتىپ، تەحنولوگيالاردى جەتىلدىرۋدە. ءتيىمدى گاز تازالاۋ قوندىرعىلارىن پايدالانۋعا ەنگىزىپ تە جاتىر. جالپى، رەسەي مەن قازاقستاننىڭ ەكولوگيا جانە جاسىل ءوسىم سالاسىندا بىرلەسە جۇمىس ىستەۋى ءۇشىن زور كەلەشەك بار ەكەندىگىن تاعى قايتالاعىم كەلەدى. وعان ەلدەرىمىزدىڭ بارلىق ءوڭىرى بەلسەندى تۇردە قوسىلادى دەپ ۇمىتتەنەمىن»، - دەدى ۆلاديمير پۋتين.

اۆتور: مارلان جيەمباي