قازاق- قىتاي شەكاراسىنداعى كولىك وتەتىن بەكەتتەر ۋاقىتشا جابىلادى

نۇر- سۇلتان. قازاقپارات - قىتاي قازاقستانمەن اۆتوموبيل وتكىزۋ پۋنكتەرىن ۋاقىتشا جابادى، دەپ حابارلايدى قازاقپارات.

بۇل جايىندا مەملەكەتتىك كىرىستەر كوميتەتى رەسمي مالىمەت تاراتتى. قىتايدا مەرەكە كۇندەرىنە بايلانىستى قازاق- قىتاي شەكاراسىنداعى «نۇر جولى»، «دوستىق- اۆتو» جانە «باقتى» وتكىزۋ پۋنكتىلەرى 2021 -جىلعى 1-3- قازان ارالىعىندا جابىق بولادى.

بۇدان باسقا قىتاي تاراپىندا دەزينفەكسيالىق قۇرىلعىلاردىڭ قىسقى ماۋسىمعا دايىنداۋعا بايلانىستى «باقتى» وتكىزۋ پۋنكتى 2021 -جىلعى 3-4 - قازاندا دا جابىق بولادى. شەكارانى كەسىپ وتۋگە ىنتالى تاسىمالداۋشىلاردى كورشىلەس ەلدەگى مەرەكەلىك شارالار ەسەبىمەن ءوز باعىتتارىن الدىن الا جوسپارلاۋدى سۇرايمىز.